जात्राकालीले हान्दा माहुते घाइते

मंसिर २१, २०७५ शुक्रबार १९:२९:४ | भावुक योगी

बर्दिया – बर्दिया राष्ट्रिय निकुञ्जमा पालेको हात्तीले हानेर निकुञ्जमा कार्यरत एकजना माहुतेलाई गम्भीर घाइते हुनुभएको छ ।

निकुञ्जभित्र हात्ती चराउन गएका बेला आफैँले स्याहार गर्दै आएको हात्तीले हान्दा निकुञ्जमा माहुत पदमा कार्यरत शिवशंकर थारु गम्भीर घाइते भएको निकुञ्जले जनाएको छ ।

निकुञ्जमा पालेको जात्राकली नामको हात्ती लिएर निकुञ्जभित्र चराउन र हात्तीका लागि घाँस काट्न गएका बेला हात्तीले हानेर घाइते बनाएपछि उहाँलाई उपचारका लागि नेपालगञ्ज लगिएको निकुञ्जका सहायक संरक्षण अधिकृत अशोक भण्डारीले जानकारी दिनुभयो ।

झण्डै चार वर्षअघि जात्राकाली नामको हात्तीले कुल्चिँदा पछुवा पदमा कार्यरत ठाकुरद्धाराका छोटकी थारुको ज्यान गएको थियो ।

बैतडीबाट ल्याइएको चितुवा बर्दिया निकुञ्जमा छाडियो

झण्डै तीन महिनाअघि बैतडीबाट उद्धार गरी ल्याइएको चितुवालाई बर्दिया राष्ट्रिय निकुञ्जमा छाडिएको छ ।

तीन महिनाको उपचारपछि चितुवालाई बर्दिया निकुञ्जको परेवा ओडारको माथिल्लो भागको समथर स्थानमा शुक्रबार छाडेको निकुञ्जका सहायक संरक्षण अधिकृत अशोक भण्डारीले जानकारी दिनुभयो ।

बैतडीको जंगलमा पासोमा परेर घाइते अवस्थामा फेला परेको चितुवालाई तीन महिनाअघि उद्धार गरी बर्दिया निकुञ्ज ल्याइएको थियो । उद्धार गरी ल्याइएको घाइते चितुवालाई बर्दिया निकुञ्जको विषेश खोरमा राखेर उपचार गरेपछि चितुवा निको भएको थियो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जात्राकालीले हान्दा माहुते घाइते

प्रतिकात्मक तस्बिर

बैतडीबाट ल्याइएको चितुवा बर्दिया निकुञ्जमा छाडियो

तपाईको प्रतिक्रिया