उज्यालाे मल्टिमिडियाले निर्माण गरेकाे ‘मरिसकेको मान्छे’ ले जित्याे बेस्ट डकुमेन्टरी अवार्ड

मंसिर २५, २०७५ मंगलबार १८:३:५९ | उज्यालो सहकर्मी

काठमाडाैं - शुक्रबारदेखि काठमाडाैंमा जारी १६ अाैं काठमाडौं अन्तर्राष्ट्रिय पर्वतीय चलचित्र महोत्सव (किम्फ)मा उज्यालाे मल्टिमिडियाद्वारा निर्मित वृत्तचित्र ‘मरिसकेको मान्छे’ले किम्फ नेपाल पानाेरमा बेस्ट डकुमेन्टरी अवार्ड जित्न सफल भएकाे छ ।

यस वृत्तचित्रलार्इ विद्या चापागार्इं र कमल कुमारले निर्देशन गर्नुभएकाे हाे । किम्फ नेपाल पानाेरमा बेस्ट डकुमेन्टरी अवार्डकाे पुरस्कार राशी ७५ हजार रुपैयाँ रहे‍काे छ ।

'मरिसकेको मान्छे' मरे भनेर काजकिरिया भैसकेका तर जिउँदै फर्केका र बाँचे भनेर आश गरिएका मानिस पहिले नै मरेको मानिसहरुको कथामा अाधारित वृत्तचित्र हो ।

पूर्वको मोरङ र पश्चिमको बाग्लुङका अपरिचित दुई परिवारलाई साउदीमा भएको एक सडक दुर्घटनाले एकै ठाउँमा भेटाउँछ । दुर्घटनामा एक परिवारले आफन्त गुमाउँछन् । तर लास साटि‌‌दा दुवै परिवारले आफन्त गुमाउनुको पीडा भोग्नुपर्छ । मरिसकेको भनेका मानिस जिउँदै फर्किन्छन् भने जिउँदै छन् भनेका मानिसको आफन्तले लास समेत देख्न पाउँदैनन् । आफन्त गुमाउँदाको पीडा र मरिसकेको मानिस फेरि फर्किएर आउँदाको खुसी यो वृतचित्रकाे मुख्य कथावस्तु हाे।

महोत्सवको यस संस्करणकाे थिम नारीकेन्द्रित थियाे भने यस संस्करणकाे ट्यागलाइन (विमिन मुभ माउन्टेन्स) रहेकाे थियाे ।

त्यसैगरी इसिमोड बेस्ट माउन्टेन फिल्म अवार्ड निर्देशक मुन्मुन धलारियाकाे भारतको हिमान्चलको दैनिकीमा अाधारित एन अनसर्टेन विण्टरले जित्याे भने प्रसुना डङ्गोलको डोल्पो डायरीले १ हजार अमेरिकी डलर राशीकाे बेस्ट इन्भेन्सन माउन्टेन फिल्म अवार्ड हात पार्याे ।

१ हजार अमेरिकी डलर राशीकाे नेपाल पानारोमा बेस्ट फिक्सन अवार्ड अविनाश विक्रम शेर्पाकाे टट्टिनीले प्राप्त गरेकाे छ भने अशिन पौडेलकाे द ग्रेट मुखियाले नेपाल पानारोमा जुरी मेन्सन अवार्ड हात पारेकाे छ ।

अन्तर्राष्ट्रिय तर्फ अफगानिस्तानकी सारा मनीकाे अ थाउजेन्ड गर्ल्स लाइक मि ले पहिलाे पुरस्कार प्राप्त गरेकाे छ जसकाे राशी १ हजार ५ सय अमेरिकी डलर छ ।

यसै विधामा भुटानका अरुण भट्टराई र डोरोत्यो जुर्बोकाे द नेक्स्ट गार्जियनले दाेस्राे हुँदै १ हजार डलर प्राप्त गरेकाे छ भने फिनल्यान्डका निकोलस कुलस्टोर्म, मार्तिन कार्तिनेनकाे इस्टर्न मेमोरिजले तेस्राे हुँदै ५ सय अमेरिकी डलर जितेकाे छ ।

५० हजार रुपैयाँ राशीकाे अडियन्स च्वाइस अवार्ड भने नेपालका शेनाङ्ग ग्याम्जो तामाङकाे सुपर मोन्कले जितेकाे छ ।

महाेत्सवमा विद्या चापागाईंकाे माउण्टेन गार्डसले किम्फ डक ल्याब पिच २०१८ जित्दै नयाँ प्रोजेक्टका लागि बृटिस काउन्सिलबाट २ लाख रुपैयाँ प्राप्त गरेकाे छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्