वर्षदिनदेखि खोरभित्र थुनिए प्रवेश, खोरभित्रै खानपिन र शाैच

असार ३, २०७५ आइतबार १४:३२:१० | समुद्र पौडेल

तनहुँ – मानसिक सन्तुलनमा समस्या आएको भन्दै तनहुँका एक युवालाई परिवारले झण्डै एक वर्षदेखि खोरमा राख्दै आएका छन् ।

तनहुँको भिमाद–२, टेक्रेका २५ वर्षीय प्रवेश थापालाई परिवारले झण्डै एक वर्षदेखि घर आडैमा बाँसले बारेर बनाएको खोरमा थुनेर राखेका हुन् । गाउँमा नाङ्गै हिँड्ने र गाउँलेको खेतबारीमा लगाएको फलफूल तथा अन्नपात उखेलेर फाल्न थालेपछि गाउँलेकै दबाबमा परिवारले प्रवेशलाई खोरमा थुन्न थालेका हुन् । खोरभित्रै निवस्त्र भेटिएका प्रवेशले त्यही खाना खाने र त्यही शौच गर्ने स्थानीय कुमार थापाले बताउनुभयो ।

‘झण्डै एक वर्षदेखि उ खोरभित्रै बस्दै आएको छ’, उहाँले भन्नुभयो, ‘कपडा नलगाई हिँड्ने र गाउँको खेतीबालीमा नोक्सानी गरेपछि परिवारले खोरमा राख्न थालेको हो । ’खोरमा थुनिएका प्रवेशलाई हजुरआमाले खाना खुवाउने गर्दै आउनुभएको थियो । झण्डै तीन साता अघि हजुरआमाको समेत मृत्यु भएपछि अहिले गाउँले पर्वत थापाले प्रवेशलाई खाना खुवाउने गर्नुभएको छ ।

‘बिहान बेलुका खोरमा नै लगेर खाना र पानी दिने गरेको छु,’ पर्वतले भन्नुभयो, ‘त्यही खाना खान्छ अनि त्यही भित्रै दिशापिसाब गर्छ ।’ प्रवेशकी आमाले दोश्रो विवाह गरेर काठमाडौं बस्दै गरेको र परिवारका अन्य सदस्यहरु पोखरा रामबजारमा बस्ने गरेको गाउँलेले बताएका छन् ।

सामान्य रुपका प्रवेशलाई आमाले काठमाडौं लगेर करेन्ट लगाइदिएपछि प्रवेशलाई मानसिक समस्या देखिएको उहाँका बाबु बिष्णु थापाले बताउनुभयो । परिवारले उपचारका लागि पोखरा, काठमाडौंलगायतका स्थानका अस्पतालमा लगे पनि प्रवेशको मानसिक अवस्थामा सुधार नआएको उहाँले बताउनुभयो ।

‘उपचारका लागि धामीझाक्री गर्नेदेखि अस्पतालसम्म पनि पुर्‍यायौ,’ उहाँले भन्नुभयो, ‘छोरा हो, माया लाग्छ तर उपचार नभएपछि बाध्य भएर खोरमा थुनेर राख्नुपरेको छ ।’

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

समुद्र पौडेल

समुद्र पौडेल तनहुँका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वर्षदिनदेखि खोरभित्र थुनिए प्रवेश, खोरभित्रै खानपिन र शाैच

प्रवेशलार्इ राखिएकाे खाेर

तपाईको प्रतिक्रिया