चार वर्षभित्र ८ हजार सडकको स्तरोन्नति गरिनेछः मन्त्री महासेठ

माघ १, २०७५ मंगलबार १९:५६:३ | भावुक योगी

बर्दिया – भौतिक पूर्वाधार तथा यातायात व्यवस्थामन्त्री रघुबिर महासेठले ४ वष भित्र ८ हजार सडकको स्तरोन्नति गरिने बताउनुभएको छ ।

बर्दियाको ऐतिहासिक धार्मिक स्थल ठाकुरद्वारा मन्दिर परिसरका आयोजित बर्दिया माघी तथा पर्यटन महोत्सवको उद्घाटन गर्दै मन्त्री महासेठले ४ वर्षभित्र नेपालको पूर्वदेखि पश्चिमसम्म ८ हजार सडकहरु स्तरोन्नति गरिने र त्यर्स समयभित्र स्थानीय भुरिगाउँ–तेलपानी–सुर्खेत सडक बन्ने प्रतिबद्धता जनाउनु भएको हो ।

मन्त्री महासेठले बर्दिया जिल्लामा जति सडक सञ्जाल पुग्नुपर्ने थियो त्यो पुग्न नसकेकाले अहिलेको सरकारले बर्दियालाई अगाडि लैजान गम्भीर भएर सोचेकोसमेत बताउनुभयो ।

हालका ७ सय ५३ स्थानीत तहमा पर्ने साविकका गाविसहरु जोड्ने गरी कालोपत्रे सडक निर्माण गर्ने कार्ययोजनाका साथ मन्त्रालय अगाडि बढेको बताउँदै मन्त्री महासेठले ४ वर्षभित्र बर्दियाको कुना कुनासम्म कालोपत्रे सडक निर्माण गरिने विश्वास व्यक्त गर्नुभयो ।

महोत्सवका विशिष्ठ अतिथी पूर्व सिँचाईमन्त्री तथा संघिय सांसद संजयकुमार गौतमले बर्दिया जिल्लालाई तारातालदेखि राराताल जोडन आवश्यक रहेकाले भुरिगाउँ तेलपानी सुर्खेत सडक बनाउन अहिलेको सरकारले तत्काल पहल गर्नुपर्ने बताउनुभयो ।

महोत्सवमा मन्त्री महासेठसँगै छिमेकी जिल्लाका संघ र प्रदेश सांसदहरु र स्थानीय तहका प्रमुख, उपप्रमुख लगायतको उपस्थिति थियो ।

बर्दियाका मुख्य धार्मिक तथा पर्यटकीय क्षेत्रको प्रचारप्रसार गर्नका लागि ठाकुरद्वाराको ऐतिहासिक ठाकुरद्वारा मन्दिर परिसरमा बर्दिया माघी तथा पर्यटन महोत्सव २०७५ आयोजना गरिएको जिल्ला समन्वय समितिका अध्यक्ष शंकर थारुले जानकारी दिनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्