पोल्याण्डलाई २–१ ले हराउँदै विश्वकपमा सेनेगलको शानदार सुरुवात

असार ५, २०७५ मंगलबार २३:६:१४ | उज्यालो सहकर्मी

विश्वकप फुटबलको समूह एचको खेलमा सेनेगलले पोल्याण्डलाई हराउँदै विश्वकपमा शानदार सुरुवात गरेको छ ।

विश्वकपको समूह एच अन्तर्गत रुसको भोल्कोभ एरेनामा मंगलबार राति भएको खेलमा सेनेगलले पोल्याण्डलाई २–१ गोलले हरायो ।

पहिलो हाफको ३७ औं मिनेटमा पोल्याण्डका सिओनिकको आत्मघाती गोलमार्फत सेनेगलले अग्रता लिएको थियो । सेनेगलका स्ट्राइकरको प्रहार क्लियर गर्न लाग्दा उनले बललाई आफ्नै पोष्टको दिशा दिएका थिए ।

पहिलो हाफमा १ गोलको अग्रता बनाएको सेनेगलले दोस्रो हाफमा अग्रता बढायो । ६०औं मिनेटमा एमबाये नियांगले शानदार गोल गरेका थिए ।

खेलको नियमित समय सकिनु ४ मिनेटअघि पोल्याण्डका जर्ज क्रिचोइकले एक गोल फर्काए पनि ढिला भइसकेको थियो । सेनेगल पहिलो पटक सन् २००२ मा विश्वकप खेलेको थियो । डेब्यू खेलमै क्वार्टरफाइनलसम्मको यात्रा गरेको सेनेगल त्यसयताका ३ वटा संस्करणमा भने छनौट नै हुन सकेको थिएन ।

जितसँगै समूह एचबाट जापान र सेनेगल विजयी हुँदा कोलम्बिया र पोल्याण्डले जितका लागि अर्को खेल कुर्नुपर्ने भएको छ । यससँगै विश्वकप समूह चरणको पहिलो चरणका खेलहरु सकिएका छन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्