ब्यारेकभित्र आत्महत्या गरेका भनिएका सैनिक जवानको हत्या भएको परिवारको दाबी

फागुन २४, २०७५ शुक्रबार १७:३८:३५ | निर्मला खडायत

कैलाली – कञ्चनपुरको २५ नम्बर बाहिनी भगतपुरमा मृत भेटिएका २३ वर्षीय सैनिक जवान वीरबहादुर खड्काको हत्या गरिएको शंका गरिएको छ ।

मृतकका परिवारले आज धनगढीमा पत्रकार सम्मेलनको आयोजना गरी खड्काको हत्या भएको आरोप लगाएको छ । फागुन २० गते सैनिक दिवसका दिन ब्यारेकभित्रै मृत अवस्थामा भेटिएका जाजरकोटको छेडागाड नगरपालिका वडा नम्बर १० का खड्काको हत्या गरेको आरोप पीडित परिवारले लगाएका छन् ।

परिवार र आफन्तले खड्काको आत्महत्या नभई हत्या भएकोे आरोप लगाएका छन् । पोशाक र जुत्ता नलगाएकै अवस्थामा मृत भेटिनुले हत्या भएको हुनसक्ने मृतक खड्काकी श्रीमती २२ वर्षीया हिमाली ज्योति बताउनुहुन्छ ।

गोली लागेपछि समेत हतियार समातेकै अवस्थामा खड्का भेटिनु र बाहिनी प्रमुखले शव परीक्षण नगरी आत्महत्या गरेको भन्ने अभिव्यक्ति दिनुले शंका पैदा भएको उहाँको भनाइ छ ।

फागुन २० गते ब्यारेकभित्र गोली प्रहार गरेको अवस्थामा मृत भेटिएका खड्काले आत्महत्या गरेको प्रहरीले बताएको थियो । तर अहिलेसम्म खड्काको शव परिक्षण भने हुन सकेको छैन् ।

आफन्तले घटनाको छानबिन भएर दोषीलाई कारबाही नभएसम्म शव नबुझ्ने बताएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्