इलाममा चटयाङ्ग लागेर तीन जना घाइते, एक घरमा आगलागी

चैत १२, २०७५ मंगलबार २०:४०:५ | सुजता सुनुवार

इलाम – हावाहुरीसँगै वर्षा हुँदा परेको चटयाङ्गले लागेर इलाममा तीन जना घाइते भएका छन् भने एउटा घरमा आगलागी भएर धनमालकाे क्षति भएकाे छ ।

इलाम नगरपालिका-६, गडीका ३३ वर्षीय दिनेश गुरुङ, त्यसै ठाउँका ४१ वर्षीय बमबहादुर लिम्बू र सूर्योदय नगरपालिका १० की ४४ वर्षकी छत्रमाया बुढाथोकी मंगलबार परेको चट्याङ्गले लागेर घाइते भएका हुन् ।

घाइतेद्धय गुरुङ र लिम्बूलाई प्राथमिक उपचारपछि थप उपचारका लागि बीएमसी अस्पताल लगिएको छ भने बुढाथोकीलाई विर्तासिटी हस्पिटल रेफर गरिएको जिल्ला प्रहरी कार्यलय इलामले जानकारी दिएको छ ।

यस्तै फाकफोकथुम गाउँपालिका-३ रातमाटेका रण बहादुर लिम्बूको घरमा चट्याङ्ग पर्दा आगलागी भएको छ । आगलागीबाट लिम्बूको घर पूर्ण रुपमा जलेर नष्ट हुदाँ दुई लाख १५ हजार बराबरको क्षति भएको बताइएको छ ।

चट्याङ लागेर लिम्बूको दुई वटा टेलिभिजन, अन्नपात, महत्वपूर्ण कागजात, नगद ३० हजारलगायतका सामान जलेको प्रहरी चौकी आमचोकका इञ्चार्ज भूपेन्द्र ढुङ्गानाले जानकारी दिनु भयो ।

आगलागी सुरु भएको साडे तीन घण्टामा मात्रै स्थानिय र प्रहरीको सहयोगमा आगो नियन्त्रणमा लिइएको जिल्ला प्रहरी कार्यलय इलामले जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्