यज्ञशको 'भुइयाँ' लाई आबुँखैरेनी वाङ्मय पुरस्कार

वैशाख २, २०७६ सोमबार २०:२२:४ | उज्यालो सहकर्मी

गोरखा - आँबुखैरेनी स्रष्टा समाजले हरेक वर्ष प्रदान गर्ने आबुँखैरेनी वाङ्मय पुरस्कार यज्ञशको गैर आख्यान कृति 'भुइयाँ' लाई प्रदान गरिने भएको छ ।

आज बसेको समितिको बैठकले छनौट समितिले सिफारिस गरेको कृति यज्ञशको ‘भुइयाँ’ लाई २०७४ सालको साहित्यतर्फको ‘आँबुखैरेनी वाङ्मय पुरस्कार’ र हास्य कलाकार उत्तम केसीलाई हास्यव्यङ्ग्यतर्फको ‘इन्द्रासन हास्यव्यङ्ग्य पुरस्कार’ प्रदान गर्ने निर्णय गरेको छ ।

दुवै पुरस्कारको राशी जनही रू १०,००० र प्रमाणपत्र रहेको छ । त्यस अवसरमा २०७४ को महेशकुमार श्रेष्ठ प्रतिभा पुरस्कार आँवुखैरेनी बहुमुखी क्याम्पसका व्यवस्थापन र शिक्षा संकायका २०७४ का उत्कृष्ट विद्यार्थीलाई प्रदान गरिने भएको छ ।

पुरस्कृत स्रष्टा यज्ञशको २०७४ मा फाइनप्रिन्टबाट प्रकाशित ‘भुइयाँ' ले २०१८ को दुई लाख राशीको पहिचान पुरस्कार पाएको थियो भने ‘भुइयाँ’ मदन पुरस्कारको लागि अन्तिम मनोनयनमा परेको थियो ।

चर्चित भारतीय साहित्यकार उदय प्रकाशको लघु उपन्यास ‘मोहनदास’ (२०६६) र कथा संग्रह ‘नेलकटर’ (२०७३) यज्ञशद्वारा अनूदित छन्। चिजकुमार श्रेष्ठको 'घुमीफिरी बन्दिपुर' पुस्तक सम्पादन र फिटकिरी चलचित्रको पटकथा लेखन गरेका यज्ञश चलचित्र समीक्षक नेपाल (फिक्सन)को अध्यक्ष पनि हुनुहुन्छ। १७ वर्षदेखि पत्रकारितामा रहेका यज्ञश १० वर्षदेखि कान्तिपुर दैनिकमा आबद्ध हुनुहुन्छ ।

इन्द्रासन पुरस्कारबाट पुरस्कृत हास्यकलाकार उत्तम केसीले २०३८ सालदेखि रंगमञ्च क्षेत्रमा प्रवेश ३ दर्जनभन्दा बढी नाटकमा अभिनय गरेका केसी निरन्तर हास्यकलाकारको भूमिकामा अभिनय गर्दै आउनुभएको छ ।

रेडियो नेपालबाट प्रसारण हुने रेडियो रसरङ्ग कार्यक्रमको निर्देशन गरेका केसी २०४४ सालदेखि चलचित्र क्षेत्रमा प्रवेश गरी २५० भन्दा बढी चलचित्रमा हास्य अभिनेताको रुपमा अभिनय गर्नु भएको छ ।

उत्कृष्ट निर्देशक रेडियो नाटक २०४९ युनेस्को कला पुरस्कार २०५६ नेशनल भिजन विजी एवार्ड २०५३ लगायत थुप्रै फिल्मी अवार्डहरु प्राप्त गरेका केसी चलचित्र कलाकार सङ्घमा आबद्ध हुनुहुन्छ।

आँबुखैरेनी स्रष्टा समाजको आज मिति २०७६/०१/०१ आइतबार बसेको समिति र सल्लाहकारहरुको बैठकले त्यस निर्णय गरेको छ । दुवै पुरस्कार यही वैशाख २८ गते शनिबार आँबुखैरेनीमा एक साहित्यिक कार्यक्रमको आयोजना गरी प्रदान गरिने भएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्