यार्सा संकलन गर्न गएका १९ वर्षीय युवकको ज्यान गयो

वैशाख २९, २०७६ आइतबार २०:४८:१६ | डीबी बिष्ट

बझाङ - यार्सा संकलन गर्न गएका सुर्मा गाँउपालिका १९ वर्षीय सुन्दर बोहराको ज्यान गएको छ ।

शनिबार एक्कासी बिरामी भएका बोहरालाई उपचारका लागि स्वास्थ्य चौकी ल्याउँदै गर्दा बीच बाटोमै सुर्मा गाँउपालिकाको जलजल भन्ने ठाँउमा मृत्यु भएको सुर्मा गाँउपालिका ४ का वडा अध्यक्ष पूर्ण बहादुर बोहराले बताउनुभयो ।

यार्सा संकलन गर्ने क्रममा एक्कासी पेट दुखेको र त्यसपछि बान्ता गर्न थालेका बोहरालाई उपचार गराउन स्वास्थ्य चौकी ल्याउने क्रममा मृत्यु भएको हो । कक्षा १२ को परीक्षा दिएर यार्सा संकलन गर्नका लागि मृतक बोहरासहित उनका सबै परिवार र गाँउका मानिसहरुसुर्मा गाँउपालिकाको छरछरे भन्ने ठाँउ गएका थिए ।

यार्सा संकलन गर्ने ठाँउमा प्राथमिक उपचारको समेत व्यवस्था नहुँदा सामान्य बिरामी भएकै कारण धेरैले ज्यान गुमाउँदै आएका छन् ।

बर्सेनि यार्सा संकलनका क्रममा धेरैले बिरामी परेर, लडेर ज्यान गुमाउने गरेको अध्यक्ष नर बहादुर बोहराले बताउनुभयो । केही दिनअघि मात्रै छविस पाथिभेरा गाँउपालिका ७ बुडखोरीकी ३८ वर्षीया चन्द्रादेवी धामीको यार्सा संकलन गर्ने क्रममा बुंगल नगरपालिकाको तुडी भन्ने स्थानमा लडेर ज्यान गएको थियो ।

यार्सा संकलन गर्ने क्रममा बर्सेनि चार पाँच जनाको ज्यान जाने गरेको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्