दुई गाउँपालिकाबीच यार्सा संकलनकाे विवाद मिल्यो

जेठ १५, २०७६ बुधबार १४:२०:३६ | डीबी बिष्ट

बझाङ - यार्सा संकलनका बारेमा उब्जिएकाे दुई गाउँपालिकाबीचकाे विवाद मिलेको छ ।

साइपाल गाउँपालिका र तल्कोट गाउँपालिकाका उपभोक्ताबीच यार्सा संकलन गर्ने वनका बारेमा करिब एक महिना देखि विवाद हुँदै आएको थियो । जिल्लाको दुर्गम मानिने साइपाल गाँउपालिका वडा नम्बर-३ काँडाका स्थानीय बासिन्दाले आफूहरुको सामुदायिक वन फरालिखेतका यार्सा संकलनमा रोक लगाएपछि तल्कोट गाउँपालिका वडा नम्बर-४ पनाल्तका स्थानीय बासिन्दाहरुले साइपालका स्थानीय हिँड्ने मुख्य बाटो नै बन्द गरेका थिए ।

विवादले उग्र रुप लिएपछि जिल्ला प्रशासन कार्यालयले दुवै पक्षलाई जिल्ला प्रशासन कार्यालय बझाङमा बोलाएर तीन बुँदे सहमति गरेको प्रमुख जिल्ला अधिकारी सुरेश सुनारले बताउनुभयाे । साइपाल गाँउपालिकाका स्थानीय बासिन्दाहरुले आफूहरुको सामुदायिक वनमा अरुले यार्सा संकलन गर्न नपाउने भनेपछि विवाद बढेको थियो ।

साइपाल गाँउपालिका वडा नम्बर-३ का स्थानीय बासिन्दाहरुले राष्ट्रिय वनलाई समेत सामुदायिक वन भन्दै यार्सा संकलनमा रोक लगाएको यहाँका स्थानीयकाे आरोप छ ।

मंगलबार प्रमुख जिल्ला अधिकारी सुरेश सुनारको संयोजकत्वमा बसेको दुई पक्षीय सहमतिमा फरालीखेत सामुदायिक वनमा बाहिरका यार्सा संकलकहरुले यार्सा संकलन गर्न नपाउने, आउँदा दिनमा बाटो बन्द गर्न कसैले पनि नपाउने र राष्ट्रिय वन र सामुदायिक वन छुट्याउन लागि डिभिजन वन कार्यालय बझाङबाट टोली खटाइने सहमति भएको प्रमुख जिल्ला अधिकारी सुनारले बताउनुभयाे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्