विश्वकप क्रिकेट : सेमिफाइनल पुग्न न्यूजिल्याण्डलाई जित्नै पर्ने दबाबमा वेष्ट इण्डिज

असार ७, २०७६ शनिबार १२:०:१८ | उज्यालो सहकर्मी

पाकिस्तानविरुद्ध पहिलो खेलमा हासिल गरेको सफलता दोहोर्‍याउन नसकेको वेष्ट इण्डिजले विश्वकपको सेमिफाइनलमा पुग्ने सम्भावना कायमै राख्नका लागि बाँकी सबै खेल जित्नुपर्ने चुनौती छ ।

यस्तो अवस्थामा उसले प्रतियोगिताको अर्को अपराजित टोली न्यूजिल्याण्डबिरुद्ध शनिबार ओल्ड ट्राफोडमा प्रतिस्पर्धा गर्दैछ । यो खेल नेपाली समयअनुसार साँझ सवा ६ बजेदेखि सुरु हुनेछ ।

म्यानचेस्टरमा शनिबार वर्षाको सम्भावना छैन । सुख्खा साँझमा फष्ट बलरहरुका लागि अनुकुल पीच हुने देखिन्छ । पछिल्ला दुई खेलमा टस जितेर कप्तानहरुले ब्याटिङ रोजेका छन् ।

वेष्ट इण्डिजले पछिल्ला केहि खेलमा असन्तुलित प्रदर्शन गरिरहेको छ । बंगलादेशविरुद्ध ३२१-८ को योगफल खडा गर्नुका बाबजुद ८.३ ओभर बाँकी छँदै पराजित हुने अवस्था उसका लागि पक्कै पनि सुखद होइन ।

उसका अनुभवी खेलाडीहरु क्रिश गेल, आन्द्रे रसेलजस्ता स्टारहरुले अहिलेसम्म उल्लेखनीय प्रदर्शन गर्न सकेका छैनन् । उनीहरुको मध्यक्रमले अनावश्यक दवाव सामना गरिरहेको देखिन्छ ।

अहिलेसम्म पाँचमध्ये ४ खेलमा स्पष्ट जित निकालेको न्यूजिल्याण्डले भारतविरुद्धको खेल वर्षाका कारण रद्ध भएपछि अंक बाँडेको थियो । अंकतालिकाको शीर्ष क्रममै रहनु उसको आत्मविश्वासका लागि सबैभन्दा ठूलो कडी हो ।

शीर्ष क्रमका ब्याट्सम्यानहरुकै प्रदर्शनमा उसले अफगानिस्तान र श्रीलंकाबिरुद्ध सहज जित निकालेको थियो । दक्षिण अफ्रिकाविरुद्ध केन विलियम्सनसँगै ग्राण्डहोमको प्रदर्शन पनि उल्लेखनीय थियो । जसले मिडल अर्डरमा ब्याटिङ गरेका थिए ।

न्यूजिल्याण्डका ३ अलराउण्डरुहरु जिम्मी निशम, कोलिन ग्राण्डहोम र मिचेल सान्टनरले आवश्यक समयमा ब्याटबाट पनि महत्वपूर्ण योगदान गरिरहेका छन् । त्यसैले यस विश्वकपमा सन्तुलित टिममध्येको एक हो, न्यूजिल्याण्ड ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्