उल्टाे मन्त्र पढेर श्रीमती र बुहारीको ज्यान लिएको भन्दै झाँक्रीकाे हत्या: आराेपित पक्राउ

असार १२, २०७६ बिहीबार १७:२:१४ | भावुक योगी

बर्दिया - बर्दियाको राजापुरमा एक साता अघि भएकाे हत्या आराेपमा प्रहरीले एकजनालाई पक्राउ गरी सार्वजनिक गरेको छ ।

हत्या आराेपमा पक्राउ पर्नेमा बर्दियाको राजापुर नगरपालिका-३, नङ्गापुरका ४९ वर्षीय अजोध्या भनिने दोदलाल थारु रहेका र उनलाई प्रहरीले घरबाटै पक्राउ गरेको बताइएकाे छ ।

गएकाे असार ४ गते राति १२ बजे आफ्नै टोलका ५५ वर्षीय जयराम थारुको हत्या गरेको भनी दोदलाल थारुमाथि उजुरी परेपछि प्रहरीले थारुलाई पक्राउ गरी पत्रकार सम्मेलन मार्फत जानकारी गराएएको जिल्ला प्रहरी कार्यालय बर्दियाका प्रहरी नायब उपरीक्षक मदन महराले बताउनुभयो ।

इलाका प्रहरी कार्यालय राजापुरका प्रहरी नायव उपरीक्षक तिलक भारतीका अनुसार रुढीवादी सोचका कारण जयरामको हत्या गरिएको प्रारम्भिक अनुसन्धानबाट खुलेको छ । हत्यामा प्रयोग गरिएको धारिलो हतियार तथा घाँस टुक्रा पार्ने घरेलु हतियार गरसा समेत बरामद गरिएको उहाँले बताउनुभयो ।

गाउँमा गुरुवा ९धामी झाँक्री० काम गर्दै आएका मृतक थारुले उल्टो मन्त्र पढेर श्रीमती र बुहारीको मृत्यु भएको बयान हत्या आरोपमा पक्राउ परेका दोदलाल थारुले दिएको डीएसपी भारतीले जानकारी दिनुभयो ।

एक महिनाभित्र श्रीमती र बुहारीको मृत्यु भएको र आफ्नो पनि पेट फुल्ने समस्या भएपछि गुरुवाले नै समस्या गराएको र आफूलाइ पनि मार्छ कि भन्ने डरले बदला लिन हत्या गरेको थारुले बयानमा बताएको डिएसपी महराले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्