जाजरकोटमा पहिरोले पुरिएर तीन जनाको ज्यान गयाे

भदौ १५, २०७६ आइतबार १५:२२:५४ | बालकुमार शर्मा

जाजरकोट - भेरी नगरपालिका-२, तिमिले गाँउमा शनिबार राति पहिरोमा पुरिएर तीन जनाको ज्यान गएकाे छ ।

भिरालो जमिनमा रहेको घर पछाडिको भागबाट आएको पहिरोले पुरेर तीन जनाको ज्यान गएकाे हो । माथिबाट आएको पहिरोले पुरेर भेरी नगरपालिका–२ तिमिलेका दलबहादुर वलीकी अन्दाजी ३२ वर्षीया श्रीमती पार्वती वली, ९ वर्षीया छोरी मोतिकला वली र ३ वर्षीया छोरी धनसरा वलीको मृत्यु भएको जाजरकोटका प्रहरी नायव उपरीक्षक श्याम बहादुर खत्रीले जानकारी दिनुभयो ।

शनिबार राति झण्डै पाैने दुई बजे आएको पहिरोमा पुरिएकाहरुकाे खाेजी गर्दा पाँचकाटिया प्रहरी चौकीकाे टोलीले आइतबार बिहान ७ बजे सबैलाई मृत अवस्थामा भेट्टाएकाे प्रहरी प्रमुख खत्रीले बताउनु भयो ।

उहाँका अनुसार घरको अर्को कोठामा सुतिरहेका दल बहादुर वली भने सामान्य घाइते हुनुुहुन्छ ।

अविरल वर्षा र भाैगाेलिक विकटताका कारण जिल्ला प्रहरी कार्यालयबाट खटिएको टोली घटनास्थलमा बिहान मात्रै पुगेको थियो । अहिले पनि पानी परिरहेकोले घटनाको विस्तृत मुचुल्का हुन बाँकी छ । घटना स्थलमा सशस्त्र प्रहरीको टोलि पनि पुगेको छ ।

यसैबीच भेरी नगरपालिकाका मेयर चन्द्र प्रकाश घर्तीले आफ्नो प्राकृतिक प्रकोपको सम्भावना धेरै रहेको हुँदा सम्पूर्ण नगरवासीहरु आ-आफ्नो ठाउँमा सचेत भएर बस्न आग्रह गर्नुभएको छ ।

उहाँले भेरी नगरपालिकाका अन्य सम्पूर्ण सरोकारवाला निकायहरु, प्रदेश सरकार र संघीय सरकारसँग उचित समन्वय र सहकार्य गर्दै पीडितहरुको उचित क्षतिपूर्ति, राहत र उद्धारका लागि उच्च सतर्क अवस्थामा रहेको जानकारी समेत गराउनु भएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बालकुमार शर्मा

बालकुमार शर्मा जाजरकोटका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्