ढुङ्गामा कुँदिएका प्राचीन अक्षर मात्रै इतिहास होइन : शताब्दी पुरुष जोशी

भदौ २६, २०७६ बिहीबार ७:३३:५ | उज्यालो सहकर्मी

काठमाण्डौ – ढुङ्गामा कुँदिएका प्राचीन अक्षर मात्रै इतिहास नभएको वाङ्मय शताब्दी पुरुष सत्यमोहन जोशीले बताउनुभएको छ ।

नेपाल सांस्कृतिक संघ र टंकप्रसाद आचार्य स्मृति प्रतिष्ठानद्वारा डिल्लीबजारमा रहेको नेपाल सांस्कृतिक भवनमा आयोजित अरबिन्द रिमालद्वारा लिखित ‘डिल्लीबजारको लप्टनको होटल’ पुस्तक लोकार्पण गर्दै उहाँले इतिहास पात्रहरुले दिएका योगदानको व्याख्या गर्नुभयो । उहाँले ऐतिहासिक घटनाहरुलाई लिपिबद्ध लेखिएका कथा पनि इतिहास भएकाले त्यस्ता घटनाहरुको लेखनमा जोड दिनुभयो ।

संघका अध्यक्ष गोविन्द देव पन्तको अध्यक्षतामा सम्पन्न कार्यक्रममा वरिष्ठ पत्रकार भैरब रिसालले नेपाली नयाँ पुस्ता नेपालको इतिहास, भूगोल र संस्कृति अध्ययनमा टुहुरो रहेको बताउँदै ऐतिहासिक ‘डिल्लीबजारको लप्टनको होटल’ नेपाली राजनीतिक इतिहासमा परिवर्तनको साक्षी भएकाले यसबारे नयाँ पुस्ता जानकार हुनुपर्ने बताउनुभयो ।

कार्यक्रममा पूर्व राजदूत कमल कोइराला, इतिहासकार सागर शमशेर राणा, डा. अरुण उप्रेती र विश्लेषक हरि रोक्कालगायतले पनि इतिहासको सूक्ष्म विश्लेषण गरिएको यस्ता पुस्तक लेख्न र प्रकाशन गर्न पर्नेमा जोड दिनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्