वालिङ नगरपालिकाको सुशासन अरुले पनि अनुशरण गर्न आवश्यक छ : अष्ट्रेलियन राजदूत

असोज ८, २०७६ बुधबार १८:३२:३१ | राधाकृष्ण डुम्रे

स्याङ्जा – नेपालका लागि अष्ट्रेलियाका राजदूत पिटर बडले वालिङ नगरपालिकाको कार्यशैली अन्य पालिकाले पनि पालना गर्न जरुरी रहेको बताउनु भएको छ ।

सुशासनका क्षेत्रमा वालिङ नगरपालिकाले गरेको क्रियाकलाप अरु नगरपालिकाले पनि अनुशरण गर्न जरुरी रहेको उहाँले बताउनुभयो ।

‘अन्तरनगरपालिका स्तरीय उत्तम अभ्यास तथा सिकाइ आदानप्रदान कार्यक्रम’ अन्तर्गत दोस्रो दिन वालिङ नगरपालिका परिसरमा आयोजना गरिएको कार्यक्रममा बोल्दै राजदूत बडले भन्नुभयो, ‘वालिङले नयाँ अवसर र चुनौतीको सही सदुपयोग गर्न सुरु गरेको मैले पाएँ ।’ उहाँले भन्नुभयो, ‘वालिङले नीतिगत तहमा नै गरेको सुशासनका क्रियाकलाप सबैका लागि निक्कै महत्वपूर्ण छ ।’

राजदूत बडले वालिङको सांस्कृतिक विविधताले नै नेपालको समग्र विविधताको प्रतिनिधित्व गर्ने भन्दै राजदूतहरु काठमाण्डौ बाहिर घुम्न जरुरी रहेको बताउनुभयो । उहाँले भन्नुभयो, ‘काठमाण्डौ बाहिर आउँदा निक्कै आनन्द महसुस भैरहेको छ ।’ राजदूत बडले स्मार्ट बन्दै गरेको स्याङ्जाको वालिङ नगरपालिकासँग सहकार्य गर्न पाउँदा अत्यन्तै खुशी लागेको बताउनुभयो ।

कार्यक्रममा वालिङ नगरपालिकाका मेयर दिलिपप्रताप खाण, उपमेयर कल्पना तिवारी, वालिङ नगरपालिकाका प्रमुख प्रशासकीय अधिकृत गुरुदत्त सुवेदीलगायत सहभागी हुनुहुन्थ्यो ।

कार्यक्रममा सात वटै प्रदेशका एक/एक नगरपालिकाका मेयर/उपमेयरसहितको टोली सहभागी भएको थियो ।

एक दिन पोखरा र एक दिन वालिङमा भएको कार्यक्रममा गण्डकी प्रदेशको वालिङ नगरपालिकासहित प्रदेश नम्बर १ बाट झापाको दमक नगरपालिका, प्रदेश २ बाट बाराको कलैया उपमहानगरपालिका, प्रदेश ३ बाट दोलखाको भिमेश्वर नगरपालिका, प्रदेश ५ बाट पाल्पाको तानसेन नगरपालिका, कर्णाली प्रदेशबाट सुर्खेतको विरेन्द्रनगर नगरपालिका र सुदूरपश्चिम प्रदेशबाट कैलालीको टिकापुर नगरपालिका सहभागी भएका थिए ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्