दाङबाट २७ हजार रुपैयाँ दशैँ खर्च लिएर फर्किए दैलेखका राउटे

असोज १०, २०७६ शुक्रबार २०:२९:२८ | हेमराज शर्मा

काठमाण्डाै - जंगली जीवन बिताउँदै आएका राउटे समुदायलाई घोराही उपमहानगरपालिकाले दशैँ खर्चका रुपमा २० हजार रुपैयाँ प्रदान गरेको छ । त्यसैगरी जिल्ला प्रशासन कार्यालयबाट पनि उनीहरुले ७ हजार रुपैयाँ बुझेका छन् ।

उनीहरुलाई खाजा, खाना खुवाएको र २० हजार रुपैयाँ दशैँ खर्च उपलब्ध गराएको उपमहानगरपालिका प्रमुख प्रशासकीय अधिकृत ऋषिराम केसीले जानकारी दिनुभयो । त्यसैगरी नगद ७ हजार रुपैयाँ र उनीहरुलाई दैलेख जाँदासम्म भाडा नलाग्ने गरी बस समितिसँग समन्वय गरेर पठाएको दाङका प्रमुख जिल्ला अधिकारी गोविन्द रिजालले जानकारी दिनुभयो ।

लोपाेन्मुख समुदायको सूचीमा रहेका राउटेहरुलाई केही वर्षदेखि सरकारले मासिक रुपमा सामाजिक सुरक्षा भत्ता दिँदै आएको छ ।जंगलमा बस्ने, जंगलकै कन्दमूल तथा जीवजन्तुहरु मारेर खाने गरेका राउटेहरु दैलेखबाट दशैँ खर्च जुटाउन दाङमा आएका हुन् ।

सहायक मुखिया नारायणबहादुर शाहीको नेतृत्वमा बिहीबार बेलुका दाङ आएका राउटेहरु दशैँ खर्चका लागि शुक्रबार विभिन्न सरकारी कार्यालयमा पुगेका थिए ।

त्यसैगरी जिल्ला प्रशासन कार्यालयबाट उनिहरुले ७ हजार रुपैयाँ बुझेका छन् । नगद ७ हजार रुपैयाँ र उनिहरुलाई दैलेख जाँदा सम्म भाडा नलाग्ने गरी बस समिति सँग समन्वय गरेर पठाएको प्रमुख जिल्ला अधिकारी गोविन्द रिजालले जानकारी दिनुभयो ।

दैलेखको एउटा जंगलमा बस्दै आएका झण्डै २ सय जना राउटेलाई दशैँ मनाउन १० वटा खसी बोका चाहिने शाहीको भनाइ छ । दशैँमा टीका लगाउने, नयाँ कपडा किन्ने, मासु खाने भन्दै उनीहरु अहिले विभिन्न जिल्लामा दशैँ खर्च जुटाउन हिँडेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्