देशभरको मौसम आंशिकदेखि सामान्य बद्ली, केही ठाउँमा वर्षाको सम्भावना

असोज १५, २०७६ बुधबार ८:५:२५ | उज्यालो सहकर्मी

काठमाण्डौ – बुधबार देशभरको मौसम आंशिकदेखि सामान्य बदली रहने र केही ठाउँमा पानी पर्ने सम्भावना रहेको मौसमविद्ले बताएका छन् ।

मनसुनी गतिविधि सक्रिय नभए पनि स्थानीय वायुको प्रभावका कारण केही ठाउँमा हल्का पानी पर्ने सम्भावना रहेको मौसमविद् गंगा नगरकोटीले जानकारी दिनुभयो ।

उहाँका अनुसार अहिले सुदुरपश्चिमका केही ठाउँमा हल्का पानी परिरहेको छ । तर ठूलो पानी पर्ने सम्भावना भने नरहेको उहाँले बताउनुभयो । दिउँसो यी ठाउँमा पनि मौसममा सुधार भएर मौसम सफा हुने उहाँले बताउनुभयो ।

तर राति भने फेरि बादल लागेर केही ठाउँमा हल्का पानी पर्ने सम्भावना रहेको उहाँले बताउनुभयो । बिहीबार र शुक्रबारको मौसम पनि यस्तै रहने मौसमविद्को अनुमान छ ।

यस्तो छ आगामी तीन दिनको माैसम पूर्वानुमान

असोज १५ गते बुधबार

दिउँसो : देशको पश्चिमी भूभागमा सामान्य बदली, मध्य तथा पूर्वी भूभागमा आंशिकदेखि सामान्य बदली रही पश्चिमका केही स्थानमा साथै मध्य तथा पूर्वी भूभागका थोरै स्थानहरुमा हल्कादेखि मध्यम वर्षाको सम्भावना छ । पश्चिमी तथा पूर्वी पहाडी भूभागका १ वा २ स्थानमा मेघगर्जनसहित चट्याङको सम्भावना छ ।

राति : देशभरि आंशिकदेखि सामान्य बदली रही मध्य तथा पूर्वका थोरै स्थानहरुमा साथै पश्चिमी पहाडी भूभागका १ वा २ स्थानमा हल्का वर्षाको सम्भावना छ।

असोज १६ गते बिहिबार

दिउँसो : देशभर आंशिकदेखि सामान्य बदली रही मध्य तथा पूर्वका थोरै स्थानहरुमा साथै पश्चिमी पहाडी भूभागका १ वा २ स्थानमा हल्का वर्षाको सम्भावना छ ।

राति : देशको मध्य तथा पूर्वी भूभागमा आंशिकदेखि सामान्य बदली रही थोरै स्थानहरुमा हल्का वर्षाको सम्भावना छ। पश्चिमी भूभागमा आंशिक बदली रहनेछ ।

असोज १७ गते शुक्रबार

दिउँसो : देशभर आंशिकदेखि सामान्य बदली रही पूर्वी भू–भागलगायत मध्य पहाडी भूभागका थोरै स्थानमा साथै पश्चिमी पहाडी भूभागका १ वा २ स्थानमा हल्का वर्षाको सम्भावना छ ।

राति : देशको मध्य तथा पूर्वी भुभागमा आंशिकदेखि सामान्य बदली रहने र केही स्थानमा हल्का वर्षाको सम्भावना छ। । पश्चिमी भूभागमा आंशिक बदली रहनेछ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्