१३ औँ सागकाे सम्पूर्ण तयारी पूरा, ट्राफिक व्यवस्थापन सहज बनाउन जाेर-बिजाेर प्रणाली

मंसिर १२, २०७६ बिहीबार १५:२३:२३ | उज्यालो सहकर्मी

काठमाण्डौ – दक्षिण एसियाली खेलकुद (साग) को सम्पूर्ण तयारी पूरा भएको छ ।

सागलाई मध्यनजर गर्दै सुरक्षा व्यवस्था चुस्त बनाइएको प्रहरी महानिरीक्षक (आईजीपी) सर्वेन्द्र खनालले बताउनु भएको छ । साथै उहाँले खेलका दौरान ट्राफिक व्यवस्थापनको काम पनि सकिएको जानकारी दिनुभयो ।

सागका बेला ट्राफिक व्यवस्थापन सहज बनाउन सवारीसाधनमा जोर-बिजोर प्रणाली लागू गरिएको छ । जसअन्तर्गत मंसिर १५ गते बिजोर र मंसिर २४ गते जोर नम्बरको सवारी साधन चलाउन उहाँले आग्रह गर्नुभयो ।

उद्घाटन र समापनका बेला रंगशालामा हेर्न आउने सर्वसाधारणका लागि पार्किङको व्यवस्था टुँडिखेलमा गरिएको छ । यसका साथै भारत र पाकिस्तानको खेलाडीलाई हुने जोखिम कम गर्न विशेष सुरक्षा व्यवस्था गरिएको छ ।

दशरथ रंगशालामा नयाँ राखिएका कुर्सीहरु यदि दर्शकले आक्रोश वा अन्य कुनै किसिमले भाँचेमा त्यसको क्षतिपूर्ति दर्शकले तिर्नुपर्ने राष्ट्रिय खेलकुद परिषद् (राखेप) ले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्