सुनको भाउ तोलामा ४ सय रुपैयाँले घट्यो
मंसिर १६, २०८१ आइतबार
नेपालको सिमाङ्कन : नागिरकको चासो ।
क्रोध, आक्रोश र असन्तुष्टिलाई बाध्यतावश दबाएर सुगौली सन्धिमा हस्ताक्षर गर्ने गजराज मिश्र र चन्द्रशेखर उपाध्यायको मुटु सापटी लिएर चन्द्रागिरि डाँडाको शिरमाथि उभिएर म टिस्टा र काङ्गडा चिहाइरहेछु ।
पूर्व फर्किँदा नसा, नाडी भरिएर आउँछन्, पश्चिम फर्किँदा पीडाहरू सोहोरिएर आउँछन् र पुर्खाको साहस र सपनाले मुटु दह्रो पार्दछ अनि अचानक आँखाले टिस्टाको पानी थोपा बनाई झार्दछ ।
संसारले चिनेको यो माटो, पुर्खाले खनेको यो बाटो, पाइला एक- एक चालेकै हौँ, बैरी छिर्ने गौँडा, गोश्वारा सारा सबै टालेकै हौँ । तर....तर त्यही बैरी सीमाभित्रै आएर भन्दैछ...खबरदार ! कसले दिन्छ धागो ? कसले दिन्छ सियो ?
तर सत्य यो हो...जतिबेला संसारकै नक्सा थिएन तर हाम्रो देश थियो ।
काँधमा सगरमाथा बोकेका नेपाली थाकेको कल्पना गर्नेहरू, कालापानीमा झुक्याएर महाकाली तर्नेहरू, ती नै हुन् सदियौँसम्म पराइको पाउमुनि पर्नेहरू ।
यी पाखुरीमा नसा छन्, नसाभित्र जोस छ, जाइलाग्नेछौँ त्यसैमाथि जसले गाँस खोस्छ । छल्न जान्दैनौँ, ढाँट्न जान्दैनौँ, गोर्खालीको प्रतिष्ठाको रेखा व्यर्थै हामी काट्न जान्दैनौँ । यो संसार जितेकै हौँ कहिल्यै हामी हारेर बस्दैनौँ, कसैले केही झार्ला र खाउँला भनेर मुख आँ... पारेर बस्दैनौँ । बुझ्नुपर्छ सबले हामी शत्रुबाट पनि राम्रा कुरा सिक्न सक्छौँ, अनि गिद्धे दृष्टि राख्ने नव जिलेस्पी, अक्टरलोनीहरुका आँखा झिक्न सक्छौँ ।
धेरै सजग भइसक्यो १८१६ पछिको पुस्ता, पीडामा बस्नुहुन्न पशुपतिनगर, सुस्ताउनु हुन्न सुस्ता । अझै पनि यो देशमा अमर सिंहहरू रेटिएका छैनन्, सतलज र नालापानीमा पुर्खाका पाईला मेटिएका छैनन् । मलाउँ हाम्रो आँगन हो, लिपुलेक हाम्रो पँधेरो, कञ्चनजङ्घाबाट घाम ल्याउँछौँ हामी...मुहार कसरी अँध्यारो ?
नेपालको सिमाना छैन चारैतिर पुर्खाको तरबारको धार छ, हाम्रो माटो, हाम्रो प्राण बोली एकै सार छ । रातो रगतले कोरिएका सीमारेखा मेटेर मेटिन्नन्, झुक्न जान्दैन नेपाली कसैले छेकेर छेकिन्नन् । सीमारेखा कुल्चँदा कसैले म्यानबाट तरबार निस्कन खोज्छ, बज्रनेछ त्यसैमाथि जो हाम्रो अस्तित्वसँग जिस्कन खोज्छ ।
लिम्पियाधुराका कथा अधुरा अब हामी गर्नेछौँ पूरा । बैरी पस्यो कालापानीमा समाचारमा भन्नु पर्दैन आफ्नै मुटुले बताउँछ, यस्तो खबरले रगत तताउँछ...अनि लाग्छ..., रातो र चन्द्र, सूर्य गाउनुपर्ने दिन आउँदैछ । सुगौलीका बुँदा-बुँदा जलाएर छोड्नेछौँ हामी, टिस्टाका फाँटमा मन्सुली धान लगाएर गोड्नेछौँ हामी । सुस्ताउनेछौँ सिक्किममा, दार्जीलिङमा दौडनेछौँ, हिमालझैँ उच्च शिर लिएर बङ्गालको खाडीमा पौडनेछौँ ।
के फल्दैन यो माटोमा ? बीऊ राख्नुपर्छ, खेतको डिलमा बसेर गोरस चाख्नुपर्छ । अमृतै होस् तर पराईको चुस्की चाहिँदैन, एक गिलास महीले आँत भिजाउँछु...मेक्सिकोको मदिरा अनि हल्याण्डको ह्विस्की चाहिँदैन ।
गाँस छोड्छौँ बरू श्वास रोक्छौँ तर यो देशलाई शिरमा बोक्छौँ । तयार छौँ जति रगत यो माटोमा बगाउनुपर्छ, मूलाझैँ काटे पुर्खाले शत्रु अब हामी पनि त्यसरी नै भगाउनुपर्छ, कसिङ्गर बढारेर देशबाट सीमामा पर्खाल लगाउनुपर्छ । निहुँ खोजेर शत्रु पस्यो, बज्र बनेर त्यसको छाती फोर्नुपर्छ, हातको रेखाभित्र हैन अब देशको सीमारेखाभित्र हामीले भाग्य कोर्नुपर्छ ।
यही माटो खोस्रौँला, बरू भोकै बसौँला तर मनभित्र स्वाभिमानको हाँसो हुनुपर्छ, अनादिकालमा देवता घुमेको यो धाम सदा सर्वदा हामीलाई नासो हुनुपर्छ, सीमाभित्रको एक चिम्टी माटो दिन्नौँ कसैलाई, लान खोजे तीन करोड जनताको चासो हुनुपर्छ...तीन करोड नागरिकको चासो हुनुपर्छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
3 Comments
समाचार
-
-
६ वटा देशमा एचआईभी सङ्क्रमण एक सय प्रतिशतले वृद्धि
मंसिर १६, २०८१ आइतबार
-
पालिका उपचुनाव : बिहानैदेखि मतदाताको उत्साहजनक सहभागिता (फ...
मंसिर १६, २०८१ आइतबार
-
कीर्तिपुर मैदानबाट क्रिकेट समर्थकको सन्देश...
मंसिर १६, २०८१ आइतबार
-
जुम्लाको पातारासीमा उमेर पुगी विवाह गर्ने जोडीलाई गाउँपालिक...
मंसिर १६, २०८१ आइतबार
-
पुरुष १९ वर्षमुनिको एशिया कपमा नेपालले आज बङ्गलादेशसँग खेल्दै
मंसिर १६, २०८१ आइतबार
-
भोलिदेखि शुरु हुने प्रधानमन्त्रीको चीन भ्रमणको तयारी अन्तिम चरणमा
मंसिर १६, २०८१ आइतबार
-
विश्व एड्स दिवस : नेपालमा ९१ प्रतिशतले एचआइभी सङ्क्रमण घट्यो
मंसिर १६, २०८१ आइतबार
-
जनकपुरमा विवाहपञ्चमी महोत्सव शुरु
मंसिर १६, २०८१ आइतबार
-
कोशी, मधेस, गण्डकी र कर्णाली प्रदेशका पहाडी भेगमा सामान्य बदल...
मंसिर १६, २०८१ आइतबार
-
पालिका उपचुनाव : ४१ पदका लागि मतदान शुरु
मंसिर १६, २०८१ आइतबार
-
इङ्ग्लिस प्रिमियर लिग फुटबलमा वेस्टह्यामलाई हराउँदै आर्सनल दोस्र...
मंसिर १६, २०८१ आइतबार
-
भियतनाममा हनोईदेखि होची मिन्ह शहरसम्म उच्च गतिको रेलमार्ग बन्ने
मंसिर १६, २०८१ आइतबार
-
पेट्रोलको भाउ प्रतिलिटर एक रुपैयाँले बढ्यो
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Darshan
Dec. 9, 2019, 4:11 p.m.Superb. Explaining real fact and situation of Nepal. We will rise again. And sir it is a good one.😊😊
Binamra Stha
Dec. 7, 2019, 10:32 a.m.Superb!
JUNG.B
Dec. 7, 2019, 10:32 a.m.Superb