सीमा क्षेत्रका बासिन्दाकाे पीडा : जुन खोलामा शव जलाउँछौँ, त्यही खोलाको पानी पिउँछौँ

मंसिर २८, २०७६ शनिबार ६:५०:३९ | हेमराज शर्मा

दाङ – नेपाल–भारत सीमा क्षेत्र अन्तर्गत दाङका साना ठूला गरी ३४ वटा नाकामा २ हजारभन्दा बढी घरधुरी संख्याको १० हजार परिवार खोलाको पानी पिउन बाध्य छन् ।

पिउने पानीको अन्य स्रोत नहुँदा नाकावासीहरु खोलाको पानी पिउन बाध्य भएका हुन् । दाङको भारतसँग सीमा जोडिएको पूर्वदेखि पश्चिम नाकामा बसोबास गर्ने ठाउँमा पानीको समस्या रहेको राजपुर गाउँपालिका ७ भौवा नाकाका स्थानीय सन्तकुमार बुढाले जानकारी दिनुभयो ।

पानीको समस्या समाधानका लागि पटक पटक पहल गरे पनि सुनुवाइ नभएको उहाँको गुनासो थियो । ‘पालिकाको चुनावमा पनि पानीको समस्या उठाइएको थियो’, बुढाले भन्नुभयो, ‘आश्वासन त पाइयो तर पानीको समस्या समाधान भएको छैन ।’

अझ वर्षायामका समयमा त आकाशे पानी थापेर प्रयोगमा ल्याइने गरिन्छ । गाउँपालिका क्षेत्रभित्र नाकावासीहरुले वर्षौंदेखि पानीको समस्या भोग्दै आएको अर्का स्थानीय मंगला खत्रीले बताउनु भयो ।

त्यस्तै राजपुर गाउँपालिका वडा नम्बर १ पटौलीनाका निवासी हेमराज गिरीले पीडा पोख्नुभयो, ‘यही खोलामा शव जलाउने गरेका छौँ, यही खोलाको पानी पिउन बाध्य छौँ । अंगार पन्छाएर पानी पिउनुपर्छ । वर्षात लागेपछि नदीको पानी धमिलो हुन्छ ।’

पानीको विकल्प नभएपछि त्यही पानी पिउनु परेको नाकावासीहरुको भनाइ छ । वर्षातमा नाकाका खहरे खोलाहरुको पानी पिउन योग्य हुँदैन ।

हिउँदमा खोलाको पानी सङ्लो भए पनि मसिनो ढुङ्गाका कणहरु देखिन्छ । विकल्प नहुँदा पुस्तौदेखि खहरे खोलाको पानी पिउन बाध्य रहेको पटौलीनाका हेमराज गिरीले गुनासो पोख्नुभयो ।

गिरीले भन्नुभयो, ‘नगरवासीहरुले पुस्तौदेखि धमिलो पानी पिउँदै आएका छन् । नजिकै खोला र कुवा पनि छैन । त्यसैले नदीको धमिलो पानीको भर पर्नुको विकल्प छैन ।’

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्