गुल्मीको बाँझकटेरीमा प्याराग्लाइडिङ्गको परीक्षण उडान सफल

फागुन १४, २०७६ बुधबार १९:१२:३७ | जनार्दन घिमिरे

गुल्मी - गुल्मीको मदाने गाउँपालिका-२ मा रहेकाे बाँझकटेरीको कसुरे डाँडाबाट प्याराग्लाइडिङ्गको परीक्षण उडान सफल भएको छ । स्काइबर्ड प्याराग्लाइडिङ्ग पोखराको टोलीले बुधबार तीन वटा प्याराग्लाइडिङ्ग उडाएर सफल परीक्षण गरेका हुन् ।

प्याराग्लाइडिङ्ग चालकहरुलाई पूर्वसामाजिक विकास मन्त्री तथा गुल्मी क्षेत्र नं २ का सांसद गोकर्ण बिष्टले फुलमाला लगाएर सफलताको शुभकामना दिनुभएको थियो ।

मदाने गाउँपालिकाले होलबाङ्ग प्याराग्लाइडिङ्ग सम्भाव्यता अध्ययनका लागि आर्थिक वर्ष ०७६-०७७ मा दुई लाख रुपैयाँ विनियोजन गरेको गाउँपालिकाका प्रमुख प्रशासकीय अधिकृत सुरेश भण्डारीले बताउनु भयो ।

समुन्द्री सतहबाट २१ सय ५० मिटरको उचाईमा रहेको बाँझकटेरीको कसुरे डाँडा प्याराग्लाइडिङ्गको हिसाबले अत्यन्तै राम्रो रहेको स्काइबर्ड प्याराग्लाइडिङ्ग पोखराका चालक भुवन गाहाले बताउनु भयो ।

लामो दूरीको लागि खर्च बढी लाग्ने भएका कारण पनि छोटो दूरीको प्याराग्लाइडिङ्ग गर्न याे ठाउँ निकै महत्वपूर्ण रहेको उहाँले बताउनु भयो । पोखरामा अन्तराष्ट्रिय विमानस्थल निर्माणको कारण प्याराग्लाइडिङ्ग विस्थापित हुने अवस्था रहेको भन्दै उहाँले भविष्यमा गुल्मीलाई प्याराग्लाइडिङ्गको हबको रुपमा विकास गर्न सकिने प्रचुर समेभावना रहेको दावी गर्नुभयो ।

परीक्षणको क्रममा बुधबार कसुरे पुगेका पूर्वमन्त्री तथा सांसद गोकर्ण बिष्टले विकटलाई निकट बनाउने यो संभावना मर्न नदिने भन्दै त्यसका लागि नियमित प्याराग्लाइडिङ्गको लागि आवश्यक भौतिक संरचना निर्माण र अन्य आवश्यक सहयोग गर्न आफू तयार रहेको बताउनु भयो । उहाँले अग्लुङ्गबाट कसुरेहुँदै सिमलटारीसम्म पुग्ने सडकको स्तरवृद्धिसंगै कालो पत्रेको काम अगाडि बढेकाे बताउँदै यसले कसुरेको प्याराग्लाइडिङ्गलाई थप टेवा पुग्ने दावी गर्नुभयो ।

मदाने गाउँपालिका प्रमुख दान बहादुर केसीले व्ययवसायीक रुपमा प्याराग्लाइडिङ्ग अगाडि बढाउने बिषयमा आफूहरु सक्रिय रुपमा लाग्ने भन्दै पालिकासम्म आइपुग्ने सडक निर्माणसँगै होलबाङ्गमा होमस्टे निर्माण गर्न गाउँपालिकाले योजना बनाउने जानकारी दिनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्