कोरोना सङ्क्रमित युवतीसँगै आएका सोलुखुम्बुका युवकको रिर्पोट ‘नेगेटिभ’

चैत १८, २०७६ मंगलबार ९:४४:३९ | सुवास दर्नाल

सोलुखुम्बु – कोरोना भाइरस (कोभिड १९) सङ्क्रमण पुष्टि भएकी युवतीसँगै एउटै जहाजमा आएका सोलुखुम्बुका एक युवकको रिर्पोट नेगेटिभ आएको छ ।

कतार एअरवेजको ‘क्यूआर ६५२’ बाट सङ्क्रमित युवतीसँगै आएका सोलुखुम्बुका युवकको कोरोना परीक्षण रिर्पोट नेगेटिभ आएको जिल्ला अस्पताल फाप्लुले जनाएको छ । राष्ट्रिय जनस्वास्थ्य प्रयोगशालामा गरिएको स्वाब परीक्षणमा नेगेटिभ रिर्पोट आएको जिल्ला अस्पतालका निमित्त प्रमुख सानी शेर्पाले जानकारी दिनुभयो ।

गएको आइतबार सोलुदुधकुण्ड नगरपालिका ९ गोराखानीका ती युवककोे स्वाब परीक्षणका लागि पठाइएको थियो । साथै सोलुखुम्बुको तिङ्लाकी एक युवतीको पनि रिर्पोट नेगेटिभ आएको जिल्ला अस्पतालले जनाएको छ ।

यूएईबाट गएको चैत्र ५ गते नेपाल आएकी सोलुखुम्बु तिङ्लाकी एक युवती र गोराखानीका युवकको स्वाब कोरोना परीक्षणका लागि काठमाण्डौको टेकुमा रहेको शुक्रराज ट्रपिकल तथा सरुवा रोग अस्पताल पठाइएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्