साउदीको कर्फ्युमा थुनिएको छ ज्यान पनि

 चैत २९, २०७६ शनिबार १५:३२:२१ | मेरो कथा मेरो भोगाई

पाशाङ शेर्पा गर्जा/हाल, साउदी अरेबिया ।

परदेशमा काम पनि छैन, दाम पनि छैन । बाहिर कर्फ्यु छ । परदेशमा एउटा कोठाभित्र ज्यान थुनिएको छ । यस्तो दिन आउला भन्ने कल्पना पनि गरेको थिइनँ ।

म अहिले साउदी अरबको दमाम सहर नजिक ताइबमा छु । परदेशमा काम नगरी बस्न पर्दा साह्रै गाह्रो भएको छ । एक महिना भयो काम नगरी कोठामै बसेको छु।

बस्दा जति गाह्रो छ, त्यति नै चिन्ता तलब नआउने कुराको छ । काम नगरेपछि तलब आउँछ भन्ने पनि के आश र ? तर पनि आश भने मारेको छैन ।

काम नभएपछि तलब दिँदैन कम्पनीले भन्ने मौखिक रुपमा जानकारी आएको हो ।

तर औपचारिक जानकारी भने आएको छैन । जेनतेन खान दिएको छ र के खाउँ भन्ने चिन्ता छैन ।

२४ घण्टे कर्फ्यु लागेको छ । बाहिर निस्कन पनि पाइँदैन । आवश्यक सामान किन्न जाउँ भन्दा पक्राउ परियो भने १० हजार रियाल जरिबाना हुन्छ ।

अन्तर्राष्ट्रिय उडान बन्द छ । न घर आउन सकिन्छ न यहाँ बस्न, के गर्ने होला ? मनमा चिन्ता सुरु भएको छ ।

यसरी काम नगरी परदेशमा बस्नुभन्दा सरकारले हामीलाई नेपाल नै लगे पनि हुनेथियो ।

हामी बरु नेपाल आएपछि क्वारेण्टीनमा बसेर मात्र घर जाने थियौं । केही इलम आफ्नै गाउँठाउँमा गर्ने थियौं ।

कम्पनीले उडान खुल्यो भने त पठाउँछु भनेको छ । तर नेपालमा पनि बन्द छ । के गर्ने भनेर सोच्न सक्या छैन । सरकार हामीलाई नेपाल झिकाएर, क्वारेण्टीनमा राख्ने व्यवस्था छिटो मिलाउ ।

याे पनि पढ्नुहाेस्

 

अन्तिम अपडेट: मंसिर १६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • कृष्ण कार्की

    April 12, 2020, 6:58 p.m.

    म साउदी को hai'l मा छु यहाँ दिउँसो 3 बजे बाट कर्फ्यु सुरु हुन्छ म पानी कम्पनी मा गाडी चलाउछु हामिलाइ त गाडी चलाउन तेस्तो कुनै समस्या छैन बरु रूम मै बस्न पाए सेफ भैन्थ्यो कि भन्ने भा छ के गर्ने काम गर्नै पर्यो नत्र salary पाइन्दैन

  •  0 Reply

  • hira magar

    April 12, 2020, 12:36 p.m.

    नमस्कार छ अनि अहिले हल मा कोविद19 बात बाच्ने काम गरम र प्रदेसी दाजुभाइ दिदिबहिनी हरेक लाई प्रदेश मा दुई बेला को खाना मिले पनि कति भागय्वानी हो तेसै ले हामी covid19 बात बाच्न लाई कोसिस गरम thanks saudi arab riyad hira gharti magar

  •  0 Reply

तपाईको प्रतिक्रिया

समाचार

लोकप्रिय

१

अमेरिकाका नवनिर्वाचित राष्ट्रपति ट्रम्प र मेटा मालिक जुकरबर्गबीच भेटवार्ता

२

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

३

रामेछापमा जीप दुर्घटना हुँदा गोकुलगङ्गा–४ का वडा अध्यक्षसहित ५ जनाको ज्यान गयाे

४

फिफा वरीयतामा नेपालको एक स्थान सुधार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई