भारतबाट नेपाल भित्रिन नदिन सीमामा थप कडाइ

वैशाख २५, २०७७ बिहीबार १५:२१:१० | सीताराम ओझा

धनगढी - सरकारले सीमामा कडाइ गर्न स्थानीय प्रशासनलाई निर्देशन दिएको छ ।

भारतबाट आउने नेपालीबाट नेपालमा सङ्क्रमण फैलिने उच्च जोखिम भएको बताउँदै सरकारले सीमामा कडाइ गर्न स्थानीय प्रशासनलाई निर्देशन दिएको हो ।

भारतले सीमावर्ती क्षेत्रमा रहेका आफ्ना क्वरेन्टीनबाट नेपालीहरुलाई निकालिरहेका बेला नेपाल सरकारले सीमामा थप कडाइ गर्ने निर्देशन दिएको हो ।

भारतको हल्द्धानीको क्वरेन्टीनमा रहेका १७ जना नेपालीलाई हिजो त्यहाँको प्रशासनले निकालेको थियो । उनीहरु त्यहाँबाट निकालिएपछि बिचल्लीमा परेका छन् ।

कैलाली र कञ्चनपुरसँगै जोडिएको भारतीय भूभाग पलिया, बनवासा, खटिमा, टनकपुरमा पाँच सयबढी नेपाली झण्डै डेढ महिनादेखि क्वरेन्टीनमा छन् । उनीहरु नेपाल प्रवेश गर्न दिने सरकारको आदेशको पर्खाइमा छन् ।

स्थानीय प्रशासनले भने तत्काल उनीहरुलाई नेपाल भित्र्याउने अवस्था नरहेको बताएको छ । प्रशासनका अनुसार सरकारले सीमामा कडाइ गर्न र भारतबाट नेपालीहरुलाई नेपाल भित्र्याउन नदिन कडा निर्देशन दिएको छ । भारतका विभिन्न भागमा अलपत्र परेका लाखौं नेपाली त्यहाँ भोकभोकै बस्न बाध्य छन् ।

उनीहरुले आफूहरुको उद्धार गर्न नेपाल सरकारसँग गुहार मागिरहेकै बेला सरकारको यस्तो कडा निर्देशन आएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्