६ वटा देशमा एचआईभी सङ्क्रमण एक सय प्रतिशतले वृद्धि
मंसिर १६, २०८१ आइतबार
लकडाउन खुल्ने ठेगान छैन, घरलाई नै विद्यालय बनाऔँ
काठमाण्डौ - लामो समयदेखि शैक्षिक संस्था बन्द छन् । अर्कोतिर कोरोना भाइरस सङ्क्रमणको दर बढिरहेको छ । लकडाउन कहिलेसम्म लम्बिन्छ भन्न सक्ने अवस्था छैन । त्यसैले बालबालिकाका लागि यो समय ‘बोरिङ’ बन्दै गएको छ भने अभिभावकलाई आफ्ना बालबालिकालाई भुल्याउन हम्मेहम्मे परेको छ ।
सहरका केही स्कुलले अनलाइन कक्षा सुरु गरेको छ । प्राथमिक तहदेखि माथिका विद्यार्थीको हकमा यसले केही सहजता ल्याएको देखिएपनि प्रिप्राइमरी अर्थात् पूर्व प्राथमिक तहका विद्यार्थीका लागि भने त्यति प्रभावकारी हुन सकेको छैन ।
मङ्गलबार सरकारले पूर्व प्राथमिक तहका बालबालिकाका लागि घरमै बसेर पढाउन सकिने विद्युतीय पुस्तक ल्याएको छ । यस्तो विद्युतीय किताब प्रभावकारी होला/नहोला भन्न सकिने अवस्था छैन । सरकारले उपयुक्त तरिकाले पूर्व प्राथमिक तहका विद्यार्थीका लागि के गर्ने भन्ने छुट्टै रणनीति तय गर्न सकेको छैन । लकडाउनमा अहिले ७० लाख विद्यार्थी थुनिएका छन् । त्यसमध्ये पूर्व प्राथमिक तहका बालबालिकाको शैक्षिक भविष्य सबभन्दा बढी अन्योलपूर्ण छ ।
नेपालमा कहिले समय कोरोना भाइरसको सङ्क्रमण रहन्छ भन्न सकिने अवस्था छैन । जसले सबैमा कोरोनाको डर बढ्दै गएको छ । अझ साना बालबालिकाको लागि यो अवस्था सामान्य होइन । उनीहरुको कलिलो मानसपटलमा यसको प्रभाव भयावह हुने देखिन्छ । अहिले बालबालिकाको मनमा मानिस नै कोरोना हो कि भन्ने भ्रम छ । यसो त वस्यक मानिसमा पनि मानिसदेखि डर लाग्ने अवस्था सिर्जना भएको छ । यस्तो अवस्थामा पूर्व प्राथमिक तहमा अध्ययनरत बालबालिकालाई कोरोनाको डरसँगै पढाइको डर थप्न उचित नहुने शिक्षाविद्ले बताएका छन् ।
जीवन उपयोगी शिक्षा
अब कति समय स्कुल खुल्दैनन् र खुलेपनि विद्यार्थीहरुलाई स्कुल र कलेज जानका लागि मानसिक रुपमा तयार हुन समय लाग्न सक्छ । त्यसैले विषेशगरी साना बालबालिका अर्थात् पूर्व प्राथमिक तहका बालबालिकालाई सिर्जनात्मक र रचनात्मक काममा लगाउनुपर्ने विज्ञहरुको भनाइ छ ।
एकातिर भर्खरै विद्यालय जान थालेका बालबालिकाहरुले सिकेका कुरा बिर्सने हुन् कि भन्ने अभिभावकको चिन्ता छ । अर्कोतिर कोरोनाले फैलाएको मनोवैज्ञानिक त्रासका कारण बाल मस्तिष्कमा कस्तो असर पर्ला भन्ने चिन्ता छ ।
केही बालमनोविद् तथा शिक्षाविद्हरु भने यो समयमा बालबालिकालाई व्यवहारिक र दैनिक जीवनमा उपयोगी हुने कुराहरु सिकाउनुपर्ने बताउँछन् । आफ्नै घरभित्र भएका र अभिभावकहरुलाई थाहा भएका ज्ञानका कुरालाई व्यवस्थित रुपले पस्किन सके बालबालिकामा व्यवहारिक ज्ञानको वास्तविक बिजारोपण गर्न सकिन्छ ।
सिकाउने सिर्जनात्मक तरिका
शिक्षाविद् विद्यानाथ कोइराला पूर्व प्राथमिक तहका बालबालिकालाई सिर्जनात्मक तरिकाले घरमै सिकाउन सकिने बताउनुहुन्छ । उहाँ भन्नुहुन्छ, ‘ठूला कक्षाका विद्यार्थीलाई मात्र होइन, साना बालबालिकालाई पनि सिर्जनात्मक तरिकाले घरमै सिकाउन सकिन्छ ।’ उदाहरणको लागि साना बालबालिकालाई युट्युबमा जानकारीमूलक भिडियो देखाएर त्यसको बारेमा लेख्न लगाउन सकिन्छ । यसो गर्दा बालबालिकामा लेख्ने, पढ्ने र अनुगमन गर्ने बानीको विकास हुन्छ ।
यस्तै बालबालिकालाई कुनै समाचार सुनाएर वा पढ्न लगाएर त्यसको बारेमा केही लेख्न लगाउन सकिन्छ । भिडियो गेमहरु खेल्न र खेतबारीको काममा पनि लगाउन सकिन्छ । खेतमा कसरी काम गर्ने, बिरुवा कसरी रोप्ने, फूल कसरी गोड्ने, बिरुवा कसरी उम्रन्छन् भनेर सिकाउन सकिन्छ । झोला बोकेर स्कुल गए मात्र बालबालिकाले पढ्न सक्ने कुरामा सत्यता नभएको उहाँको भनाइ छ ।
व्यवहारिक ज्ञान जरुरी
जसले एउटा कोठामा गुजारा गरिरहेका छन्, जोसँग इन्टरनेटको पहुँच छैन त्यस्ता अभिभावकका लागि आफ्ना बालबालिकालाई भुल्याउन र रचनात्मक काममा लगाउन अनेकौँ विकल्प हुन सक्ने कोइरालाले भन्नुभयो । जस्तै, कोठामा कतिवटा थाल र कचौरा छन् भनेर गन्न लगाउन सकिन्छ । यसबाट बालबालिकामा गणित विषयको ज्ञान बढ्ने उहाँको भनाइ छ । भाँडाकुँडा कसरी मिलाउने, कुन भाँडा काँचको हो ? कुन भाँडा स्टिलको हो ? कुन भाँडा सिसाको हो ? अर्थात् काँच, सिसा र स्टिल कसरी बन्छ भन्ने ज्ञान दिन सकिने शिक्षाविद् कोइराला बताउनुहुन्छ ।
यस्तै बालबालिकालाई हजुरबुवा र हजुरआमाबाट दन्तकथाहरु पनि सुनाउन सकिन्छ । हाम्रा बुवा र हजुरबाले काठ र ढुङ्गामा माटो राखेर लेखपढ गरेका कुराहरु र जीवन सङ्घर्षका कथाहरु पनि बालबालिकाका लागि प्रेरणाको स्रोत बन्न सक्छन् । योसँगै घरनजिकै बालबालिकालाई खुला ठाउँमा लैजाने र त्यहाँ देखिएका किरा फट्याङ्ग्राको बारेमा जानकारी दिन सकिन्छ । जस्तै, पुतली कस्तो रङको छ ? कतिवटा खुट्टा छन् ? भन्ने विषयमा व्याख्या गराउन र आफूसँग भएको ज्ञान बालबालिकामा बाँड्न सकिन्छ । यसबाट बालबालिकामा सिकाइ क्षमताको विकास हुन्छ ।
खेलकुद स्वस्थकर
बालबालिकाको क्षेत्रमा काम गर्दै आएको अन्तर्राष्ट्रिय संस्था युनिसेफले बालबालिकालाई विभिन्न किसिमका खेल खेलाउन सकिने जनाएको छ । त्यसको लागि दूरी भने कायम गर्नुपर्ने युनिसेफको सुझाव छ । युनिसेफले भेषभुषा र पहिरनबारे जानकारी दिने खेल प्रभावकारी हुने सुझाव दिएको छ । यो खेल खेल्नका लागि फरक किसिमका कपडाहरू लिने र आफ्ना नानीबाबुलाई ती कपडाहरूबाट विभिन्न भेषभुषा र पहिरन बनाउन लगाउने गर्नुपर्छ । त्यसपछि उनीहरूले छानेको पहिरनको आधारमा सँगै खेल्न सकिन्छ ।
यस्तै, ‘म तिमीलाई समात्छु’ भन्ने खेल पनि लकडाउनमा बालबालिकालाई खेलाउन उपयुक्त हुन्छ । त्यसको लागि घरभित्र वा वरिपरि खाली ठाउँमा बालबालिकालाई दौडन लगाउने र आफूले उनीहरूलाई समात्ने प्रयास गर्नुपर्छ । यो खेलले बालबालिकालाई शारीरिक रुपमा स्वस्थ राख्न मद्दत गर्ने छ ।
यस्तै आवाज पत्ता लगाउने खेल पनि साना बालबालिकालाई खेलाउन सकिने युनिसेफले सुझाव दिएको छ । आफ्नो वेभसाइटमार्फत यो खेलबारे उसले जानकारी दिएको छ । यो खेलमा फरक फरक जनावरको आवाज नक्कल गरेर अभिभावकले बालबालिकालाई सुनाउन सक्ने र उनीहरुलाई पनि नक्कल गर्न लगाउन सकिन्छ ।
यस्तै बाल चुनौतीअन्तर्गत बालबालिकालाई आफ्ना शरीरका अङ्ग छुन र उठाउन लगाउन सकिन्छ । जस्तै हात, औँला र पाखुरा उठाउन र छुन लगाउन सकिन्छ । यसबाट बालबालिकाले आफ्नो शरीरका अङ्गको नाम थाहा पाउने र शारीरिक क्षमताको पहिचान पनि गर्न सक्ने हुन्छन् ।
प्राविधिक तथा व्यवहारिक शिक्षामा जोड दिनुपर्ने वर्तमान समयमा किताबका हरफहरु घोकेर मात्रै दक्ष र ज्ञानी भइन्छ भन्ने कुराबाट माथि उठ्नु पर्दछ । साना बालबालिकालाई दैनिक क्रियाकलापबाटै जीवन उपयोगी ज्ञान दिन सके यो उनीहरुको भविष्यको निम्ति उपयोगी हुने छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
जानुका दुवाडी
जानुका दुवाडी उज्यालाेमा कार्यरत हुनुहुन्छ। 
2 Comments
समाचार
-
-
पालिका उपचुनाव : बिहानैदेखि मतदाताको उत्साहजन सहभागिता (फो...
मंसिर १६, २०८१ आइतबार
-
कीर्तिपुर मैदानबाट क्रिकेट समर्थकको सन्देश...
मंसिर १६, २०८१ आइतबार
-
जुम्लाको पातारासीमा उमेर पुगी विवाह गर्ने जोडीलाई गाउँपालिक...
मंसिर १६, २०८१ आइतबार
-
पुरुष १९ वर्षमुनिको एशिया कपमा नेपालले आज बङ्गलादेशसँग खेल्दै
मंसिर १६, २०८१ आइतबार
-
भोलिदेखि शुरु हुने प्रधानमन्त्रीको चीन भ्रमणको तयारी अन्तिम चरणमा
मंसिर १६, २०८१ आइतबार
-
विश्व एड्स दिवस : नेपालमा ९१ प्रतिशतले एचआइभी सङ्क्रमण घट्यो
मंसिर १६, २०८१ आइतबार
-
जनकपुरमा विवाहपञ्चमी महोत्सव शुरु
मंसिर १६, २०८१ आइतबार
-
कोशी, मधेस, गण्डकी र कर्णाली प्रदेशका पहाडी भेगमा सामान्य बदल...
मंसिर १६, २०८१ आइतबार
-
पालिका उपचुनाव : ४१ पदका लागि मतदान शुरु
मंसिर १६, २०८१ आइतबार
-
इङ्ग्लिस प्रिमियर लिग फुटबलमा वेस्टह्यामलाई हराउँदै आर्सनल दोस्र...
मंसिर १६, २०८१ आइतबार
-
भियतनाममा हनोईदेखि होची मिन्ह शहरसम्म उच्च गतिको रेलमार्ग बन्ने
मंसिर १६, २०८१ आइतबार
-
पेट्रोलको भाउ प्रतिलिटर एक रुपैयाँले बढ्यो
मंसिर १६, २०८१ आइतबार
-
नेपाल पहिलोपल्ट नेत्रहीन टी–२० विश्वकप क्रिकेटको सेमिफाइनलमा ...
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Raju Shakya
May 14, 2020, 11:25 p.m.यस्ता सबै खाले कुराहरु हामी सबै अभिभावकले बच्चा स्कूल जाँदा पनि सिकाउँदै आइरहेको हो / अक्षर चिनाउने र लेखाउने पनि घरमै गरिएको हो , स्कूल मा त पास हुन पठाउने हो / धन्यवाद /
Keshav Raj Panthee
May 13, 2020, 6:27 p.m.Relavent article at the present moment