विदेशबाट फर्किनेको व्यवस्थापनका लागि केन्द्र र प्रदेश सरकारलाई भोजपुरका जनप्रतिनिधिको आग्रह

जेठ ६, २०७७ मंगलबार १७:३१:४०

भोजपुर – भोजपुरका जनप्रतिनिधिले विदेशबाट फर्कनेको व्यवस्थापनका लागि प्रदेश र केन्द्रीय सरकारसँग आग्रह गरेका छन् ।

भोजपुर नगरपालिका, षडानन्द नगरपालिका, हतुवागढी गाउँपालिका र टेम्केमैयु गाउँपालिकाका प्रमुख र सामी, हेल्भेटासका प्रतिनिधिबीच मंगलबार भएको भर्चुअल बैठकका क्रममा जनप्रतिनिधिले यस्तो आग्रह गरेका हुन् । अब उडान सुरु हुनेबित्तिकै वैदेशिक रोजगारीबाट एकैपटक फर्कने व्यक्तिको सङ्ख्या बढ्ने भएकोले यसका लागि अहिलेदेखि नै सोच्नुपर्ने उनीहरुको तर्क छ ।

नेपाल सरकार र स्विस सरकारको दुईपक्षीय सम्झौता अनुसार हेल्भेटास नेपालको प्राविधिक सहयोगमा सञ्चालित सुरक्षित आप्रवासन परियोजनामार्फत सञ्चालित आप्रवासी स्रोत केन्द्र फोन डाईभर्ट गरी सम्बन्धित कर्मचारीको मोबाइलमा फोन आउने प्रणालीको विकास गरिएको , वैदेशिक रोजगारमा भएका व्यक्तिका परिवारलाई मनोसामाजिक परामर्श सेवा, मनोसामाजिक प्राथमिक उपचार, वैदेशिक रोजगारमा भएका व्यक्ति तथा परिवारको अवस्था बुझ्नका लागि द्रुत सर्वेक्षण लगायतका काम भइरहेको हेल्भेटासका प्रदेश परियोजना संयोजक कोपिला दहालले बताउनुभयो ।

उस्तै जनप्रतिनिधिले स्थानीय सरकारको आन्तरिक श्रोतबाट बजेट बिनियोजन गर्ने प्रतिबद्धता ब्यक्त गरेका छन् ।

सुरक्षित आप्रवासन परियोजना ठिक समयमा स्थानीय सरकारमा लागू भएको ठिक परियोजना भन्दै स्थानीय सरकारका प्रमुखहरुले खुलेर प्रशंसा गरेका थिए ।

नेपाल सरकार र स्विट्जरल्याण्ड सरकारबीचको दुईपक्षीय सम्झौतामा हेल्भेटास नेपालको प्राविधिक सहयोगमा श्रम रोजगार तथा सामाजिक सुरक्षा मन्त्रालयमार्फत स्थानीय सरकारको नेतृत्वमा सामी परियोजना नेपालका ३९ जिल्लाका १५६ वटा स्थानीय सरकारमार्फत सञ्चालन भैरहेको छ ।

याे पनि पढ्नुहाेस्

मे १९ : खाडी र मलेसियामा काेराेना सङ्क्रमितकाे सङ्ख्या १ लाख ५० हजार नाघ्याे

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्