कुनै 'ट्राभल हिस्ट्री' नभएका डडेल्धुराका सङ्क्रमित स्क्रब टाइफसको बिरामी

जेठ ९, २०७७ शुक्रबार २१:४०:११ | सीताराम ओझा

कैलाली – आज एकैदिन सुदूरपश्चिममा पाँच जना काेराेना भाइरसका सङ्क्रमित भेटिएका छन् । उनीहरु कहाँबाट आएका थिए, उनीहरुको ट्राभल हिस्ट्रीकाे खोजी भइरहेको छ । डडेल्धुरामा फेला परेका सङ्क्रमितको भने कुनै ट्राभल हिस्ट्री नरहेको पाइएको छ ।

डडेल्धुराका प्रमुख जिल्ला अधिकारी जगनाथ पन्तका अनुसार उनी जिल्लामै कार्यरत सरकारी कर्मचारी भएको र कहीँ कतैबाट नआएको तथा भिडभाडमा समेत नगएकाे पाइएको छ ।

उनलाई यसअघि स्क्रब टाइफस देखिएकोले औषधि दिएर चिकित्सकले घर पठाएको पाइएको प्रमुख जिल्ला अधिकारी पन्तले जानकारी दिनुभयो । उनलाई डडेल्धुरामै आइसोलेशनमा राखिएको छ ।

यता कैलालीका तीन जना सङ्क्रमितमध्ये दुई जनालाई प्रहरीले जबर्जस्ती ल्याएर क्वरेण्टीनमा राखेको खुलेको छ ।

उनीहरुलाई जानकी गाउँपालिकाले घरबाटै प्रहरीकाे सहयाेगमा क्वरेण्टीनमा ल्याएको थियो । जानकी गाउँपालिका ४ र ७ का १९, २३ र २६ वर्षीय युवकमा कोरोना पुष्टि भएको थियो ।

उनीहरु इटहरी, बाँके र भारतबाट लुकीछिपी फर्किएको पाइएको छ । वडा नम्बर ४ का सङ्क्रमित गएकाे जेठ १ गते कालाकुण्डा नाका हुँदै भारतको महाराष्ट्रबाट फर्किएको जानकी गाउँपालिकाकी उपाध्यक्ष उमा महतोले जानकारी दिनुभयो ।

वडा नम्बर ७ का दुई जना सङ्क्रमितमध्ये एक जना इटहरी र एक जना बाँकेबाट फर्किएको थाहा भएको उपाध्यक्ष महतोले बताउनुभयो । इटहरीबाट आएका युवक वैशाख ३० गते त्यहाँ पुगेका थिए ।

अर्का सङ्क्रमित युवक जेठ ३ गते बाँकेबाट त्यहाँ पुगेका थिए । उनीहरु तीनै जनालाई सरस्वती माविको क्वरेण्टीनमा राखिएको थियो । भारतबाट फर्किएका युवकलाई सिधै क्वरेण्टीनमा राखिएको थियो भने अन्य दुई जना सङ्क्रमितलाई भने गाउँपालिकाले घरबाटै प्रहरी लगाएर क्वरेण्टीनमा ल्याएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्