रामपाल र जेसियाको सम्बन्ध टुट्नुमा ऋतिककी श्रीमती सुज्यानको हात !

जेठ १४, २०७५ सोमबार १५:५४:३ | उज्यालो सहकर्मी

जेठ १४ – लामो समयदेखि अभिनेता अर्जुन रामपाल र उनकी श्रीमती मेहर जेसियाबीच खटपट भएका खबरहरु आइरहेका थिए ।

अब भने यी दुईले अलग हुने बाटो रोजिसकेका छन् । विवाह गरेको २० वर्ष पछि दुवै अलग भइरहेका छन् । दुवैैले यसरी अलग हुन किन खोजेका हुन भन्ने कुराको कुनै विशेष कारणहरु सार्वजनिक गरेका छैनन् । तर बलिउडमा चलेको हल्ला अनुसार अभिनेता ऋतिक रोशनकी श्रीमती सुज्यान खान र अर्जुन रामपालबीच बढ्दो निकटतालाई नै यसको कारण भनिदैछ ।

बेलाबेलामा अर्जुन रामपाल र ऋतिक रोशनकी श्रीमती सुज्यान खानको प्रेम सम्बन्धका खबरहरु आएरहेका हुन्छन । ऋतिक रोशन र अर्जुन रामपाल पारिवारिक साथी हुन् । अर्जुनकी श्रीमती र ऋतिककी श्रीमतीलाई पनि एकसाथ विभिन्न पार्टीहरुमासँगै जाने गर्दथे ।

सुज्यान खानले ऋतिकसँग चार वर्षअघि सम्बन्ध विच्छेद गरिसकिन । त्यो समयमा यस सम्बन्ध विच्छेदको कारण अर्जुन रामपाल भएको खबरहरु आएका थिए ।
गएको वर्ष सुज्यान र अर्जुनबीच अफेयर चलिरहेको बेला एक पार्टीमा अर्जुकी श्रीमती मेहर र सुज्यानबीच झगडा नै भएको थियो । तर सुज्यान र ऋतिकबीच भने सम्बन्ध विच्छेद पछि पनि राम्रो साथीको सम्बन्ध रहेको छ ।

अर्जुन र मेहरको विवाह सन् १९९८ मा भएको थियो । दुवैका दुई छोरीहरु माहिका र माहिरा छन । मेहरले करियरको सुरुवात मोडलिङबाट गरेकी थिइन । उनले १६ वर्षको उमेरमा नै सन १९८६ मा मिस इन्डियाको उपाधि जितेकी थिइन ।

सोही समयमा मोडलिङमा आफ्नो करियर बनाइरहेका अर्जुनले मेहरलाई भेटेका थिए । त्यसबेलादेखि एकअर्कालाई डेट गरिरहेका दुवैले लामो समयको प्रेम सम्बन्धलाई सन् १९९८ मा विवाहमा परिणत गरेका थिए ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्