ढोका छाेएकाे निहुँमा दलित बालक कुटिए, दबाबमा मिलापत्र गराइयाे : पीडित पक्ष

असार ४, २०७७ बिहीबार १८:५९:२९ | सुवास दर्नाल

सोलुखुम्बु – सोलुखुम्बुको सोलुदूधकुण्ड नगरपालिका ९ सिसा खोलामा घरकाे ढोका छोएको निहुँमा दलित बालकमाथि कुटपिट भएकाे छ ।

निर्माण हुँदै गरेको घरको ढोकामा छोएको निहुँमा तारा थापा मगर र २७ वर्षीय श्याम थापा मगरले १६ वर्षीय बालक दीपक विश्वकर्मामाथि कुटपिट गरेका हुन् ।

कुटपिटबाट दीपकको ढाड, टाउको तथा शरीरका विभिन्न भागमा चोट लागेको छ । अहिले उनको ओखलढुङ्गाको मिसन अस्पतालमा उपचार भइरहेको बालकका बुवा नीरबहादुर विश्वकर्माले बताउनुभएको छ ।

जिल्ला प्रहरी कार्यालयले जाहेरी लिन नमानेकाे तथा घटना लुकाउन गएको असार १ गते पत्ताले प्रहरी चौकी र पीडकको निरन्तर दबाबमा गाउँमै मिलापत्र गराइएको पीडित पक्षको दाबी छ ।

घाइतेलाई अस्पताल लैजान गाडी भाडास्वरुप १० हजार रुपैयाँ र अस्पताल खर्चकाे लागि १० हजार तीन सय रुपैयाँ दिएर जबर्जस्ती मिलापत्र गराइएको परिवारको दाबी छ । नगरपालिका ९ का वडाध्यक्ष काजी शेर्पाले भने छुवाछुतको घटनालाई विना कानुनी उपचार आफूलाई जानकारी नै नगराइ मिलापत्र गरिएको बताउनुभयो । पीडक तारा थापा मगरले आफूले जातीय छुवाछुत नगरेको तर बालकलाई कुटपिट गरेको स्वीकारेका छन् ।

जातीय भेदभाव तथा छुवाछुत कसुर र सजाय ऐन २०६८ बमोजिम कसुर गर्ने व्यक्तिलाई तीन महिनादेखि तीन वर्षसम्म कैद वा एक हजारदेखि २५ हजारसम्म जरिवाना अथवा दुवै सजाय हुने व्यवस्था रहेको छ । बालकमाथि गएकाे जेठ ३१ गते कुटपिट भएकाे हाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्