कोरोनाको कारण विदेशमा रोकिएका ८७ शव स्वदेश ल्याइयो

असार १३, २०७७ शनिबार १२:२९:२८ | उज्यालो सहकर्मी

काठमाण्डौ - कोरोनाको कारण विदेशमा रोकिएका ८७ शव स्वदेश ल्याइएको छ ।

विदेशमा समस्यामा परेका नेपालीको स्वदेश फिर्ती सुरु भएसँगै त्यहाँ रोकिएका शव पनि ल्याइएको हो । अहिलेसम्म सबैभन्दा धेरै शव मलेसियाबाट ल्याइएको छ । मलेसियाबाट ३१ वटा शव ल्याइएको छ । मलेसियापछि साउदी र कतारबाट २०/२० वटा शव ल्याइएको वैदेशिक रोजगार बोर्डले जनाएको छ ।

कुवेतबाट ७ जना नेपालीको शव आएको छ भने यूएईबाट पाँच नेपालीको शव ल्याइएको बोर्डले जनाएको छ । बोर्डकाअनुसार बहराइनबाट ३ जना नेपालीको शव ल्याइएको छ भने ओमानबाट १ जना नेपालीको शव ल्याइएको छ । यो अवधिमा विदेशमा ज्यान गुमाएका ३ सय ३३ जनामध्ये १२६ जनाका परिवारले भने गन्तव्य देशमै अन्त्येष्टिका लागि अनुमति दिएको हुँदा उतै सदगत गरिएको छ । अझै विदेशमा १२० नेपालीको शव बाँकी छ ।

अब साउदीमा सबैभन्दा धेरै शव बाँकी छ । साउदीमा अब ५९ शव छन् भने मलेसियामा २३ शव बाँकी छ । बोर्डका अनुसार कतारमा ११, यूएईमा १४, कुवेतमा ५ र बहराइनमा १ जना नेपालको शव बाँकी छ भने अन्य देशबाट ७ वटा शव ल्याउन बाँकी छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्