काठमाण्डौमा साझा बस चल्न थाले (रुटसहित)

साउन १, २०७७ बिहीबार ८:१५:६ | उज्यालो सहकर्मी

काठमाण्डौ उपत्यकामा आजदेखि साझा बस पनि चल्न थालेका छन् ।

७१ वटा बसमध्ये आजदेखि २६ वटा बस विभिन्न रुटमा चलाउन थालिएको साझा यातायातका कायममुकायम प्रमुख कार्यकारी अधिकृत महेन्द्रराज पाण्डेले जानकारी दिनुभयो ।

तस्बिर : रासस

उहाँका अनुसार यी गाडी लगनखेलदेखि नयाँ बसपार्क, लगनखेलदेखि बुढानिलकण्ठ, गोदावरी रत्नपार्क, लामाटार रत्नपार्क, लगनखेल–सातदोबाटो–कलंकी हुँदै थानकोट, लगनखेल–बानेश्वर–एयरपोर्ट–चाबहिल हुँदै नयाँ बसपार्क, रत्नपार्क–कंलकी–स्वयम्भु हुँदै बालाजु, रत्नपार्कबाट सूर्यविनायक र बुङमतीबाट बुढानिलकण्ठसम्म चल्नेछन् ।

तस्बिर : रासस

कोरोना सङ्क्रमणबाट बच्न यात्रु आफैंले स्वास्थ्य सतर्कता अपनाउनुपर्ने साझा यातायातले जनाएको छ । सरकारले तोकेको मापदण्डअनुसार चालक र सहचालकले मास्क र पन्जा लगाएका छन् । यात्रुलाई पनि अनिवार्य मास्क लगाउन साझा यातायातले आग्रह गरेको छ ।

सरकारले मास्क र पञ्जासँगै बसमा स्यानिटाइजर राख्न तथा एउटा सिटमा एक जना मात्रै यात्रु राख्न पाइने नियम बनाएको छ । यसअघि चल्न थालेका अरु सार्वजनिक गाडीले पनि यही नियम अपनाएका छन् । सरकारले ५० प्रतिशतसम्म बढी भाडा लिन पाउने नियम बनाएको छ ।

तस्बिर : रासस

साझाले पनि ५० प्रतिसम्म बढी भाडा लिने भन्दै यात्रुलाई खुद्रा पैसा बोक्न अनुरोध गरेको छ । काठमाण्डौ उपत्यकाका १० वटा रुटमा साझा बस चल्छन् । साझाले अपाङ्तामैत्री सेमी लो फ्लोर बस सञ्चालनमा ल्याएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्