वीरगञ्जको कोरोना अस्पतालमा एक जनाको ज्यान गयो

साउन ११, २०७७ आइतबार ११:२३:३९ | केसी लामिछाने

पर्सा - वीरगञ्जको कोरोना अस्पतालको भेन्टिलेटरमा उपचारका क्रममा एक जनाको ज्यान गएको छ ।

श्वासप्रश्वासमा समस्या भएपछि हिजो बेलुकी अस्पताल भर्ना गरिएका वीरगञ्ज आदर्शनगरका ६५ वर्षका पुरुषको आज बिहान ज्यान गएको अस्पतालले जनाएको छ ।

श्वासप्रश्वासमा समस्या आएकाले उनलाई आकस्मिक कक्षकै भेन्टिलेटरमा राखेर उपचार गरिएको डाक्टर निरज सिंहले बताउनुभयो । उहाँकाअनुसार ती पुरुषको आरडीटी विधिबाट परीक्षण गर्दा कोरोना पोजिटिभ देखिएको तर पीसीआर विधिबाट भने परीक्षण गर्न बाँकी छ ।

परीक्षणको लागि स्वाब संकलन गरिएको र बेलुकीसम्ममा रिपोर्ट आउने डाक्टर सिंहले जानकारी दिनुभयो । पीसीआर रिपोर्ट नआउँदासम्म शव आकस्मिक कक्षमै राखिने अस्पतालले जनाएको छ । यसअघि वीरगञ्जमा भारत माइती भई वीरगञ्ज-२१ बस्दै आएकी १७ वर्षकी युवतीको शुक्रबार बेलुकी ज्यान गएको थियो भने शुक्रबार बिहान वीरगञ्जकै कोभिड अस्पतालको आइसोलेशनमा वीरगञ्ज-११ श्रीपुरकी ८५ वर्षकी वृद्धाको ज्यान गएको थियो ।

अस्थायी कोभिड अस्पतालमा उपचार गराइरहेका कोरोना सङ्क्रमितमध्ये ४ जनाको अवस्था जटिल रहेको डाक्टरले बताएका छन् । उनीहरुको भेन्टिलेटरमा राखेर उपचार भइरहेको अस्थायी कोभिड अस्पतालका प्रमुख डाक्टर निरज सिंहले जानकारी दिनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्