मास्क लगाएर मात्रै गाडी चढौँ, कोरोनासँग मिल्ने लक्षण देखिएमा यात्रा नै नगरौँ

भदौ २५, २०७७ बिहीबार १३:१५:५६ | उज्यालो सहकर्मी

काठमाण्डौ – जोर बिजोर नम्बर प्लेटको आधारमा बिहीबारदेखि काठमाण्डाै उपत्यकाका सडकमा सार्वजनिक गाडी चल्न थालेका छन् । अब जनस्वास्थ्यका सबै मापदण्ड अपनाएर जोर बिजोर प्रणालीमा सार्वजनिक गाडी चलाउन पर्नेछ ।

काठमाण्डाै उपत्यकामा काेराेना भाइरसकाे सङ्क्रमण बढेपछि भदौको ३ गतेदेखि सुरु भएको निषेधाज्ञा दुई पटक थपेर हिजाे (बुधबार) सम्म पुर्‍याइएकाे थियो । निषेधाज्ञाको कारण व्यापार व्यवसाय बन्द हुँदा श्रमिकको बिचल्ली भएको भन्दै निषेधाज्ञा हटाउन चौतर्फी माग भइरहेको थियाे

कोरोना भाइरस सङ्क्रमणको जोखिम कायमै रहेकाे समयमा सार्वजनिक गाडी सञ्चालनमा आइसकेपछि यात्रु, चालक र सहचालकले स्वास्थ्य सुरक्षा सावधानीका उपायहरु अपनाउन आवश्यक छ ।

मास्क अनिवार्य

सार्वजनिक गाडीमा यात्रुले मास्क लगाएर मात्रै यात्रा गर्नुपर्छ । चालक र सहचालकले पनि अनिवार्य रुपमा मास्क लगाउनुपर्छ । सकिन्छ भने सर्जिकल पन्जा लगाउनुपर्छ, हात सफा राख्नुपर्छ । उपलब्ध भएसम्म साबुनपानीले पटक–पटक हात धोइ रहनुपर्छ नभए स्यानिटाइजर लगाउनुपर्छ ।

गाडीमा भिडभाड नगराैँ

गाडीभित्र यात्रु तथा चालक र सहचालक पटक–पटक मानिसको सम्पर्कमा आउने भएकाले जतिखेर पनि सङ्क्रमणको जोखिम हुन सक्छ । गाडीमा कोचाकोच गरेर यात्रु राख्न हुँदैन । सिटमा बस्दा पनि भौतिक दुरी कायम गर्नुपर्छ । सकेसम्म एक–एक मिटरको दुरी कायम गर्नुपर्छ । सरकारले पनि १६ वटाभन्दा बढी सिट क्षमता भएका गाडी मात्रै चल्न दिने भनेको छ ।

गाडी सफा राख्ने

गाडीलाई प्रत्येक ट्रिपपछि डिसइन्फेक्नश (निर्मलीकरण) गर्नुपर्ने हुन्छ । यस्तै सरसफाइलाई पनि ध्यान दिन जरुरी छ, जसले गर्दा काेराेना भाइरस सङ्क्रमणको जोखिम कम गर्न सकिन्छ । सिटको अगाडिको भाग सफा गरिरहनुपर्छ । सकिन्छ भने कार्डबाट अथवा फोनबाट भुक्तानी गर्ने व्यवस्था मिलाउनुपर्छ तर सकिन्न भने पैसालाई छुट्टै भाँडोमा जम्मा गर्न सकिन्छ ।

लुगाको उचित व्यवस्थापन

गाडी चढ्दा वा चलाउँदा प्रयोग गरेको लुगा घर पुग्नेबित्तिकै छुट्टै ठाँउमा राखेर धोइ हाल्नुपर्छ । सकेसम्म चालक र सहचालकको लागि भने पीपीई सेट (व्यक्तिगत सुरक्षात्मक उपकरण) काे व्यवस्था गर्नुपर्छ ।

अनावश्यक रुपमा गाडी नचढाैँ

सकभर छोटो दुरीको यात्रा गर्दा हिँडेरै यात्रा गर्दा आफू सुरक्षित हुन सकिन्छ । सार्वजनिक गाडीमा यात्रा गर्नै परे स्वास्थ्य सुरक्षाका मापदण्ड पालना गर्नुपर्छ । सरकारले सबै यात्रुले अनिवार्य रूपमा मास्कको प्रयोग गर्नुपर्ने, यात्रु चढ्ने सयममा सवारी साधनको ढोकामा र भित्र स्यानिटाइजरको व्यवस्था गर्नुपर्ने भनेकाे छ ।

साथै सरकारले चालक तथा सहचालकले समेत अनिवार्य रूपमा मास्क, भाइजर र पञ्जा लगाउने तथा सवारी साधनलाई दैनिक स्यानिटाइज गर्ने गरी सञ्चालन गर्नुपर्ने मापदण्ड बनाएको छ । यस्तै कोरोनासँग मिल्ने लक्षण देखिएमा यात्रा नै नगर्न उपयुक्त हुन्छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्