यूएई, बहराइन र इजरायलबीच सम्बन्ध सामान्य गर्न सम्झौता, नयाँ मध्यपूर्वको सुरुवात भएको अमेरिकाको प्रतिक्रिया

भदौ ३१, २०७७ बुधबार ९:७:४५ | एजेन्सी

इजरायलले संयुक्त अरब इमिरेट्स यूएई र बहराइनसँग सम्बन्ध सामान्य गर्न ऐतिहासिक सम्झौतामा हस्ताक्षर गरेको छ ।

ह्वाइट हाउसमा तीनवटै देशकाबीचमा हस्ताक्षर भएको हो । यो सम्झौतापछि अमेरिकाले नयाँ मध्यपूर्वको सुरुवात भएको प्रतिक्रिया दिएको छ । अमेरिकी राष्ट्रपति डोनाल्ड ट्रम्पले नयाँ मध्यपूर्वको सुरुवात भएको भन्दै प्रशंसा गर्नुभएको हो ।

उहाँले अरु देशलाई पनि सम्झौताको बाटोमा आउन आग्रह गर्नुभएको बीबीसीले जनाएको छ । तीन देशले पनि सम्झौतालाई ऐतिहासिक भनेका छन् । ट्रम्पले पनि सम्झौतालाई ऐतिहासिक उपलब्धी भएको बताउनुभएको छ ।

ट्रम्प प्रशासनका लागि खाडी देश र इजरायलबीच भएको यो सम्झौतालाई कूटनीतिक सफलताका रुपमा लिइएको छ । सन् १९४८ मा इजरायल स्थापना भएपछि त्यसलाई मान्यता प्रदान गर्ने यूएई र बहराइन तेस्रो र चौथो खाडी देश हुन् ।

ट्रम्पले अरु देशलाई पनि सम्झौताको बाटोमा आउन सुझाव दिनुभएको छ । तर प्यालेस्टाइनले भने आफूहरुको युद्ध समाधान नभएसम्म इजरायलसँगको सम्झौताको पक्षमा नरहेको बताएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्