मनसुन बाहिरिन अझै केही दिन लाग्ने, शनिबारसम्म देशभर पानी पर्ने

असोज ७, २०७७ बुधबार १३:४९:५६ | उज्यालो सहकर्मी

काठमाण्डाै – यस वर्ष मनसुन सुरु भएपछि अहिलेसम्म बाढी, पहिरो र चट्याङमा परेर तीन सय ४३ जनाको ज्यान गएको छ ।

मनसुन भित्रिएको जेठ ३० गतेदेखि बुधबार बिहानसम्म पहिरोमा दुई सय ७२ जना, बाढीमा ३७ जना र चट्याङ लागेर ३५ जनाको ज्यान गएको राष्ट्रिय जोखिम न्यूनीकरण तथा व्यवस्थापन प्राधिकरणले जनाएको छ । यस्तै बाढी, पहिरोमा परेर एक सय जनाभन्दा धेरै हराइरहेका छन् ।

यसैबीच यस बर्ष मनसुन बाहिरिन केही दिन ढिला हुने भएको छ । नेपालमा सामान्यतया सेप्टेम्बर २३ अर्थात् आजदेखि मनसुन बाहिरिने भए पनि यस वर्ष एक हप्ता ढिलो बाहिरिने मौसमविद् शान्ति कँडेलले जानकारी दिनुभयो ।

पश्चिमी न्यून चापीय प्रणालीको प्रभावले आउँदाे शनिबारसम्म देशभर पानी पर्ने पनि उहाँले बताउनुभयो । भारतको छत्तिसगढको उत्तरी क्षेत्रमा न्यून चापीय क्षेत्र रहेको र त्याे क्षेत्र पश्चिम–उत्तरपश्चिम सर्ने क्रममा रहेकाले अझै शनिबारसम्म देशभर पानी पर्ने सम्भावना रहेको मौसमविद् कँडेलले बताउनुभयो ।

अहिले देशभर सामान्यदेखि पूर्ण बदली रही धेरै ठाउँमा हल्कादेखि मध्यम र केही ठाउँमा ठूलो पानी परिरहेको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्