कतार सरकारले कुनै पनि एकाधिकार स्वीकार गर्दैन : कतारी राजदूत

कात्तिक २७, २०७७ बिहीबार १७:१७:५२ | उज्यालो सहकर्मी

काठमाण्डौ – नेपालका लागि कतारी राजदूत यूसुफ विन मोहम्मद अल हैलले कतार रोजगारीमा कुनै पनि एकाधिकार स्वीकार नगर्ने बताउनुभएको छ ।

बिहीबार वैदेशिक रोजगार व्यवसायी संघका अध्यक्ष विष्णुप्रसाद गैरे र महासचिव सुजितकुमार श्रेष्ठसँग भएको भेटमा कतारी राजदूत मोहम्मदले कतार सरकारले कुनै पनि एकाधिकारलाई स्वीकार नगर्ने बताउनुभएको संघका महासचिव श्रेष्ठले जानकारी दिनुभयो ।

राजदूत मोहम्मदले कतार रोजगारीमा १७ म्यानपावर कम्पनीले सिण्डिकेट गरेको र त्यसमा नेपालस्थित कतारी दूतावासको पनि मिलेमतो भएको भन्दै प्रकाशित समाचारहरुमा सत्यता नभएको बताउनुभएको छ ।

कतारमा नेपाली श्रमिकलाई रोजगारीमा पठाउन विभिन्न १७ म्यानपावर कम्पनीले सिण्डिकेट कायम गरेको भन्दै म्यानपावर व्यवसायीले नै विरोध गर्दै आएका छन् । व्यवसायीले संसदको श्रम समितिमा समेत उजुरी गरेका छन् ।

समितिले श्रम रोजगार तथा सामाजिक सुरक्षा मन्त्रालयलाई यस सम्बन्धमा छानविन गर्न निर्देशन दिएको छ भने मन्त्रालयले थप छानविनका लागि समितिसमेत गठन गरिसकेको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्