दोब्बर बढी भाडा असुल्दै सुदूरपश्चिमका गाडी व्यवसायी, ‘गुनासो गर्दा प्रहरीले उल्टै हप्काए’

मंसिर २२, २०७७ सोमबार १७:१६:१२ | विमल बिष्ट

डोटी – सुदूरपश्चिम प्रदेशको राजधानी कैलालीमा विगत लामो समयदेखि यात्रुहरु गाडी व्यवसायीबाट ठगिँदै आएका छन् । चर्को भाडा लिँदा आफूहरु ठगिँदै आएको उनीहरुको गुनासो छ । पटक–पटक ठगिएको गुनासो गर्दै आए पनि कसैले त्यसको सम्बोधन नगरेको उनीहरुको भनाइ छ ।

भारतबाट रोजगारी गरी नेपाल फर्किने अधिकांश यहाँका नागरिक भारतको गौरी फन्टाबाट त्रिनगर पुर्याएबापत दलाललाई रकम दिँदै आएको बताउँछन् । त्रिनगरमा यात्रा गर्दा गाडी व्यवसायीबाट ठगिने गरेको मुम्बईबाट अछाम जान डोटीको दिपायल पुग्नुभएका नव टमाटाको भनाइ छ । ‘गौरीफन्टाबाट त्रिनगर पुर्याएबापत दलालले पाँच सय भारु लियो, त्यहाँबाट घर आउन गाडी चढ्दा दुई हजार पाँच सय रुपैयाँ तिर्नुपर्‍याे ।’

उहाँ जस्तै भारतबाट रोजगारी गरी घर आउने सुदूरपश्चिमेलीहरु दिनहुँ गौरीफन्टा नाकामा लुटिँदै आएका छन् ।

भारतबाट आएका नागरिक राख्ने गौरीफन्टाको होल्डिङ सेन्टरमा प्रहरीहरु खटाइएका भए पनि प्रहरीले समेत पीडितका गुनासा नसुन्ने तथा गाडी मालिक तथा उनीहरुले खटाएका एजेण्टकै कुरा सुन्ने गरेको भारतको मदरासबाट रोजगारी गरी फर्किनुभएका डोटीको दिपायल सिलगढी नगरपालिका २ खुल्लेकका परुवा भुलले बताउनुभयो । उहाँले भन्नुभयो, ‘गाडी मालिकले मनोमानी पैसा लिँदैछन्, यसबारे प्रहरीलाई गुनासो गर्दा सुनुवाइ नै भएन, उल्टै हप्काएर पठाए ।’ भाडा बढी लिएको विषयमा गुनासो सुन्ने निकाए नभएका कारण भारतबाट नेपाल आउने लाई निकै सास्ती हुँदै आएको त्रिनगर आसपासका स्थानीय बताउँछन् ।

सुदूरपश्चिम बस व्यवसायी समिति कैलालीले धनगढीदेखि दिपायलसम्म पाँच सय ५०, अछामको साँफे बगरसम्म सात सय ५५ तथा मङ्गलसेनसम्म नौ सय २५ रुपैयाँ भाडादर तोकेको छ । तर त्रिनगर भन्सार गेटबाट यहाँका पहाडी जिल्लामा छुट्ने गाडीका चालकले आफूखुसी धनगढीदेखि दिपायलसम्म एक हजार, अछामको साँफे बगरसम्म एक हजार पाँच सय र मङ्गलसेनसम्म दुई हजार पाँच सय रुपैयाँसम्म भाडा लिने गरेको यात्रुहरुको आरोप छ ।

थोरै सङ्ख्यामा गाडी राखिने तथा भारतबाट आएका नागरिकले बजारमा आएर गाडी चढ्न नपाइने नियम भएका कारण त्रिनगरमा मनोमानी ढङ्गले भाडा लिने गरेको भारतबाट फर्किनुभएका डोटीको बोगटान फुड्सिल गाउँपालिका ३ का लक्ष्मण साउदले बताउनुभयो ।

सुदूरपश्चिम प्रदेश प्रहरी कार्यालय दिपायलका सूचना अधिकारी तथा प्रहरी वरिष्ठ उपरीक्षक (एसएसपी) मुकेशकुमार सिंहले यात्रु ठगिएको बारेमा तत्काल जानकारी लिएर छानबिन सुरु गर्न कैलाली जिल्ला प्रहरी कार्यालयलाई निर्देशन दिएको बताउनुभयो । उहाँले भन्नुभयो, ‘यात्रु ठगिँदै आएको विषयमा जानकारी लिएर छानबिन सुरु गर्न निर्देशन दिएका छौँ, तोकिएको भन्दा बढी भाडा लिएको देखिए कानुन बमोजिम कारबाही हुनेछ ।’

जिल्ला प्रहरी कार्यालय कैलालीका प्रमुख तथा प्रहरी उपरीक्षक (एसपी) अनुपम राणाले पनि यात्रु ठग्ने जो कोहीलाई कारबाही हुने बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दोब्बर बढी भाडा असुल्दै सुदूरपश्चिमका गाडी व्यवसायी, ‘गुनासो गर्दा प्रहरीले उल्टै हप्काए’

प्रतिकात्मक तस्बिर

तपाईको प्रतिक्रिया