लाइसेन्स नवीकरण, गाडी जाँच पासलगायतका काम मङ्सिर मसान्तसम्म गर्न सकिने

मंसिर २५, २०७७ बिहीबार २०:१४:३४ | उज्यालो सहकर्मी

काठमाण्डौ – सवारी चालक अनुमतिपत्र (लाइसेन्स) नवीकरण गर्ने तथा गाडी जाँच पास र रुट इजाजतपत्र नवीकरण गर्ने म्याद मङ्सिर मसान्तसम्म थप भएको छ ।

सरकारले ढिलो भएबापत बुझाउनुपर्ने शुल्क मिनाहासहितको म्याद थप गरेर मङ्सिर मसान्तसम्म पुर्‍याएकाे हो ।

यसअघि भएका निर्णयअनुसार सवारी चालक अनुमतिपत्र नवीकरण गर्ने म्याद भदौ मसान्तसम्म थियो । त्यसपछि लकडाउन पूर्णरूपले नहटेको, चाडवाड तथा विविध कारणले यातायात सेवा कार्यालयहरू पूर्णरूपमा बन्द भएका थिए ।

कार्यालय नखुल्दा सेवाग्राहीले सेवा लिन नपाएकाले सवारी चालक अनुमतिपत्र नवीकरण गर्ने म्याद थप गर्ने प्रस्ताव भौतिक पूर्वाधार तथा यातायात मन्त्रालयले मन्त्रिपरिषदमा पेस गरेको थियो ।मन्त्रिपरिषदले गएको मङ्सिर १५ गतेको बैठकमा ढिलो भएबापत बुझाउनुपर्ने शुल्क मिनाहासहितको म्याद थप गरेर मङ्सिर मसान्तसम्म पुर्‍याउने निर्णय गरेको हो ।

मन्त्रिपरिषद्को निर्णय कार्यान्वयन गर्न यातायात व्यवस्था विभागले यातायात कार्यालयहरूलाई आग्रह गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्