गाउँपालिकाको केन्द्र टुंगो लागेको खुशीयालीमा अबिरजात्रा र भोज

साउन ३१, २०७५ बिहीबार ६:१९:२४ | मनिराज पाण्डे

कालिकोट - कालिकोटको पलाँता गाउँपालिकाले पालिकाको स्थायी केन्द्र राख्नेबारेको विवाद टुंगो लगाएको छ । पलाँता गाउँपालिकाको अस्थायी केन्द्र ९ मा बसेको चौथो विषेश गाउँ सभाले गाउँपालिकाको स्थायी केन्द्र टुगो लगाएको पलाँताका प्रमुख प्रशासकीय अधिकृत रामप्रसाद कुस्माले बताउनुभयो ।

स्थायी केन्द्रको टुगो लागेपछि स्थानीयबासिन्दाले खुशीयालीमा अबिरजात्रा गरेका छन् । बुधबार बसेको बिषेश गाउँसभाले पलाँता २ को लोडमा गाउँपालिकाको स्थायी केन्द्र बनाउने निर्णय गरेको छ । यसअघि वडा नं. १, २ र ३ ले धौलागोहको राडेनेटा र सैन वडा नं. ४, ५ र ६ ले कयरदेव खिन र वडा नं. ९ ले थिर्पु स्थायी केन्द्र तोकिनु पर्ने माग गर्दै आएका थिए ।

गाउँपालिका अध्यक्ष लक्ष्मणबहादुर बम पलाँती कान्छाले भने पलाँता २ को लोड वा पलाँता ७ को दैनिकरमध्ये एक ठाउँ हुने बताउनुभएको थियो । गाउँपालिका केन्द्र विवादको टुगो सकिएपछि स्थानीयले बिहीबार भोजको आयोजना गरेका छन् ।

केन्द्र तोकीएको ठाउँ पाँखा चट्टान र भिरालो जमिन हो । त्यहाँ नजिकै घना बस्ती र बजारिकरणको सम्भावना भने कमै रहेको स्थानीय जानकारहरुले बताएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्