मौसम प्रतिकूल हुँदा लुक्लामा उडान हुन सकेन, नाम्चेमा हिमपात

माघ ६, २०७७ मंगलबार १७:२४:४१ | सुवास दर्नाल

सोलुखुम्बु – मौसम प्रतिकूलताका कारण सोलुखुम्बुको तेन्जिङ हिलारी विमानस्थल लुक्लाको उडान प्रभावित बनेको छ । मङ्गलबार बिहानैदेखि बाक्लो हुस्सु र सिमसिम पानी परेका कारण मङ्गलबारका लागि तय गरिएका सबै उडान स्थगित गरिएको नागरिक उड्डयन प्राधिकरण लुक्लाले जनाएको छ ।

काठमाण्डौबाट लुक्लाका लागि तारा एअर, समिट एअर र हेलिकप्टर गरि झण्डै एक दर्जन उडान हुने तालिका रहे पनि मौसम प्रतिकूल हुँदा सबै उडान रोकिएको कार्यालयका वरिष्ठ अधिकृत विक्रम सिंह बस्नेतले जानकारी दिनुभयो । उहाँका अनुसार काठमाण्डौ–लुक्लाका लागि तय भएको सबै उडान स्थगित गरिएसँगै यात्रुहरू विमानस्थलबाट फर्किसकेका छन् ।

बाक्लो हुस्सुका कारण हेलिकप्टरले भर्दै आएको कार्गो उडानसमेत मङ्गलबार हुन सकेको छैन । सोमबार पनि मौसमका कारण चार फ्लाइट जहाज र हेलिकप्टर गरि आधा मात्रै उडान भएको नागरिक उड्ययन प्रधिकरण लुक्लाले जनाएको छ ।

नाम्चे क्षेत्रमा हिमपात

खुम्बुको माथिल्लो क्षेत्र नाम्चेमा हिमपात सुरु भएको छ । बिहानैदेखि हुस्सु लागेको यस क्षेत्रमा केही समय अघिदेखि हिमपात सुरु भएको स्थानीय विजय तामाङले जानकारी दिनुभयो । उहाँका अनुुसार खुम्बुको माथिल्लो क्षेत्रमा हिमपात सुरु भएको छ भने लुक्लालगायत तल्लो भेगमा वर्षा भइरहेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्