आँचलले भनिन् : पलसँग आएपछि बल्ल माया पाएँ

भदौ ४, २०७५ सोमबार १३:४२:९ | उज्यालो सहकर्मी

अभिनेता पल शाहले आँचल शर्मा अभिनित सिनेमा ब्ल्याक हेरेका छन् । यस कार्यक्रममा पल र आँचलको ड्रेस कलर एउटै देखिनुले निकै नै चर्चा पायो ।

उनीहरुले सल्लाह गरेर एउटै कलरको ड्रेस लगाएर हल पुगेको चर्चा भयो तर उनीहरुले भने संयोगबस आफ्नो ड्रेसको कलर मिलेको बताए ।

पल शाहले यही मेसोमा मिडियासँग सुदर्शन थापाको सिनेमाग र्ने कुरामा पनि बोल्ने मौका पाए । शाहले सुदर्शन थापाको सिनेमा पहिले नै साइन गरेर बसेको बताएका छन् । उनका अनुसार सिनेमा कहिलेदेखि फ्लोरमा जाने भन्ने कुरा मात्र फाइनल गर्न बाँकी छ ।

तर सुदर्शन थापाले भने सिनेमाका बारेमा केही पनि बोल्न नचाहेका कुराहरु मिडियामा आएपछि पलले यो सिनेमामा आफू हुन पनि र नहुन पनि सक्ने बताए ।पलसँगै रहेकी आँचल शर्माले पनि यही समयमा अभिनेत्री पूजा शर्मासँगको विवादबारे बोलेकी छिन् । उनले आफूले सामाजिक सञ्जालमा लेखेको स्ट्याटस पूजालाई नभएको स्पष्ट पारिन् ।

आँचलले पूजालाई स्ट्याटस लेखेको भन्दै नकारात्मक कमेन्टको वर्षा लागेपछि उक्त स्ट्याटस डिलिट गरेकी थिइन् । तर उनले भने आफ्नो सिनेमा‘ब्ल्याक’ रिलिजको संघारमा रहेका कारण त्यो स्ट्याटस डिलिट गरिन् । किनभने आफ्नो बारेमा नकारात्मक कमेन्टहरु आउनु भनेको सिनेमाको कारोबारमा असर पर्नु हो भन्ने आँचलको बुझाई थियो ।

स्ट्याटस डिलिट गरे पनि आँचलले त्यो स्ट्याटसका कारण धेरै दिनसम्म आलोचना खेपिन् । उनलाई धेरैले विरोध गरे ।

यहीबीच उनी अभिनेता पल शाहसँग मिडियामा आइन् । पहिले नकारात्मक प्रतिकृयाहरु दिइरहेका दर्शकहरुले नै फेरि पलको साथमा देखेपछि आँचललाई सकारात्मक रुपमा प्रतिकृयाहरु दिन थाले । यसले आँचललाई केही हदसम्म राहत दियो ।

पल शाहले आफूलाई सधैँ सपोर्ट गर्ने भन्दै आँचलले पललाई धन्यवाद पनि दिन भ्याइन् । उनले पलसँग मिडियामा आएपछि मात्रै दर्शकले आफूलाई सकारात्मक प्रतिकृया दिएको र माया दिएको बताइन् ।

स्ट्याटसबारे आँचलले अगाडि थपिन्, ‘मैले लेखेँ तर मैले लेखेको स्ट्याटस मिडियाले पूजालाई लेखिन् भनेर लेखिदिनुभयो । मैले डिलिट गरेँ मिडियाले नै आँचल डराइन् भनिदिनुभयो ।

मैले त्यो आफैलाई परेको घटनालाई समेटेर लेख्या पनि हुन सक्छ । हो म हिजो भर्खर उम्रेको हो । म भर्खर ६महिनाको नानी हूँ । मैले अहिलेसम्म चिउरा पनि चपाएको छैन ।

उहाँहरुले मलाई हिजो भर्खर आएकोले यति धेरै बोल्न र लेख्न मिल्नैन भन्ने कुरा गर्नुभएको रहेछ । हो म हिजो मात्रै आएको हो । तर ममा केही सीप भएरै म यो क्षेत्रमाआएको हो । त्यसकारण मेरो खेदो खन्ने काम नगर्नुस् ।

म सिनेमा चल्दा मात्रै मिडियामा आउँछु । हैन भने म घरमै बस्छु । मलाई अरुलाई सटायर हान्न र कुरा काट्न पनि फुर्सद छैन । त्यस कारण मेरो सानो कुरालाई पहाड बनाउनु पर्ने मेले केही पनि देख्दिन । मैले त्यो स्ट्याटस कसैसँग डराएर र फसेर डिलिट गरेको भने होइन ।’

उनले पूजासँगको आफ्नो सम्बन्धका बारेमा बोल्दै सिनेमा उद्योगमा आफ्नो भन्दा धेरै पूजाको साथीभएको र आफ्नो बारेमा जति पनि कुराहरु आइरहेको छ पूजाकै तर्फबाट आइरहेको बताइन् ।

उनले आफूले लेखेको स्ट्याटस पूजालाई नभएको भन्दै पूजा आफ्नो कोही पनि नभएको र उनलाई त्यसरी सटायर हान्नु पर्ने अवस्था नभएको उल्लेख गरेकी छिन् ।

-उज्यालाे अनलाइन र गफगाफ डटकमकाे सहकार्य

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्