पान धेरै खाएपछि अस्पताल पुगे कामेश्वर

जेठ १७, २०७५ बिहीबार १६:७:० | उज्यालो सहकर्मी

काठमाडौं, जेठ १७ – जेठ १८ गतेदेखि प्रदर्शनमा आउन लागेको सिनेमा ‘अमेरिका ब्याइज’को टिमले प्रचार–प्रसारलाई बनाएको छ ।

सिनेमाको प्रचार–प्रसारकै क्रममा चिया चौतारीमा आइपुगेका सिनेमाका मुख्य कलाकारमध्येका दुई अभय बराल र सृष्टि कार्कीले सिनेमा छायाकंनका क्रममा रमाइला कुराहरु सेयर गरेका छन् । यो सिनेमामा पानको प्रयोग धेरै भएको छ ।

अभयले ६० दिनको छायाकंनका क्रममा १२ सय पान प्रयोग भएको बताउँदा सृष्टिले सिनेमाका कलाकार कामेश्वर चौरासिया पान धेरै खाँदा हस्पिटल नै जानु परेको सम्झिइन् । सिनेमाको छायाकंनका क्रममा कामेश्वर खाना पनि पानको स्वादमा खान्थे ।

पान धेरै खाएका कारण उनको गालाको छाला नै गएर खाना खान समेत गाह्रो भएको थियो । कामेश्वर राम्रोसँग मुख खोल्न नसक्ने स्थितिमा पुगेपछि अस्पताल जानु परेको थियो ।

यो सिनेमामा पान नै भिलेन भएको खुलासा सिनेमाका कलाकारले गरेका छन् । तर त्यो कसरी हो थाहा पाउन भने सिनेमा हेर्नु पर्ने हुन्छ ।

प्रवेश पौडेल निर्देशित यस सिनेमामा अर्पण थापा, सुनिल थापा, सन्दिप क्षेत्री, हरिहर शर्मा, कामेश्वर चौरासिया, अभय बराल, आशिष प्रसाई, सृष्टि कार्की, सारदा गिरी, रश्मि भट्ट, रमा थपलिया, सुवास गजुरेल, राजु खरेल, मनिष राउतलगायतको अभिनय रहेको छ । ‘सीबर्ड्स पिक्चर्स’ र ‘बडी इन्टरटेनमेन्ट’ को ब्यानरमा निर्माण भएको सिनेमामा प्रकाश भुजेल र इन्द्रप्रसाद खरेलको लगानी रहेको छ । समिर खरेल कार्यकारी निर्माता रहेको यस सिनेमामा अनुप थापा, यमुना खरेल र राज केसी पनि सह–निर्माताको रुपमा रहेका छन् ।

विवेक पाण्डेको कथा, पटकथा र संवाद रहेको सिनेमामा दिपक आरजे र जयन जे वाईवाको संगीत, सुनिल क्षेत्री नेपाली ठिटोजको नृत्य निर्देशन र सम्राट बस्नेतको द्धन्द रहेको छ । आलोक शुक्लाले छायाकंन गरेको यस सिनेमालाई निमेष श्रेष्ठले सम्पादन गरेका छन् ।

–उज्यालो र गफगाफ डट कमको सहकार्यमा

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्