गाउँमै काेराेना परीक्षण, स्वास्थ्यकर्मीलाई दैनिक ५ सय रुपैयाँ भत्ता

वैशाख २८, २०७८ मंगलबार १०:३९:५४ | मनिराज पाण्डे

कालीकोट – कालीकाेटकाे पलाँता गाउँपालिका विपद् व्यवस्थापन समितिले कोरोना संक्रमणको लक्षण भएकाहरुलाई घरमै पुगेर एन्टिजेन परीक्षण गर्ने भएको छ ।

स्थानीय राजनीतिक दलसहितको सहभागीतामा सोमबार बसेको गाउँपालिका विपद् व्यवस्थापन समितिको बैठकले कोरोना रोकथाममा सहयोग पुर्‍याइरहेका स्वास्थ्यकर्मीहरुलाई प्राेत्साहन स्वरुप दैनिक ५ सय रुपैयाँ खाना खर्च उपलब्ध गराउने निर्णय गरेको गाउँपालिका अध्यक्ष लक्ष्मणबहादुर बमले बताउनुभयो ।

बैठकले कोरोना रोकथाम तथा उपचारका लागि उपसमिति समेत गठन गरेको छ । स्थानीय इन्द्र रोकायाको संयोजकत्वमा ९ सदस्यीय माववीय उद्धार तथा व्यवस्थापन समिति,लोकेन्द्र बुढाको संयोजकत्वमा क्वरेण्टीन तथा आइसोलेशन सेन्टर व्यवस्थापन समिति र धर्मराज बमको संयोजकत्वमा आवश्यक सामाग्री खरिद समिति गठन गरिएको निमित्त प्रमुख प्रशासकीय अधिकृत राजबहादुर बमले बताउनु भयो ।

बैठकले बाहिर जिल्लाबाट जितेगडासम्म, जितेगडादेखि घाटाचौर र गाउँपालिकाभित्र आवश्यक व्यवस्थापनका लागि तीन वटा गाडीको समेत व्यवस्थापन गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्