सलमान खानलाई सार्वजनिक ठाउँमा पिट्नेलाई २ लाख पुरस्कारको घोषणा !

जेठ १८, २०७५ शुक्रबार १९:५:१३ | उज्यालो सहकर्मी

बलिउड अभिनेता सलमान खानको विवाद र चर्चामा आउने कुरा नौलो होइन । पटक–पटक आफ्नै व्यवहारका कारण विवादमा आउने सलमान यसपटक भने भिनाजुका कारण विवादित बनेका छन् ।

सलमान खानलाई पिट्नका लागि विश्व हिन्दु परिषदका पूव अध्यक्ष प्रवीण तोगडियाका साथी गोविन्द पराशरले दुई लाख इनाम राखेका छन् । पराशरले सलमानमाथि मानिसहरुलाई भावनामा ठेस पुर्याएको आरोप लगाएका छन् । यो सबै कुरा सलमानका ज्वाईँ आयुष शर्माले ल्याउन लागेको चलचित्र ‘लवरात्रि’ ले उत्पन्न गराएको हो ।

सलमानका चलचित्रको पोस्टर जलाइयो

सलमान खानकी बहिनी अर्पिताका श्रीमान आयुष शर्माको चलचित्र ‘लवरात्रि’ सार्वजनिक हुँदैछ । यो चलचित्र सलमान खान प्रोडक्सनको ब्यानरमा बन्दैछ । सबै विवाद फिल्मको नामलाई लिएर पैदा भएको हो । गोविन्द पराशरले चलचित्रको नाम ‘लवरात्रि’ राखेर हिन्दू भावनालाई ठेस पुर्‍याएको आरोप लगाएका छन् ।

बिहीबार पराशरले कार्यकताहरुसँगै उपस्थित भएर सलमानका फिल्मका पोस्टर जलाएका छन् । कार्यकताले सडकमा फिल्मको विरोधमा नाराबाजी पनि गरे । पराशरले फिल्मप्रति आपत्ति जनाउँदै भने, ‘यो फिल्म सलमानले बनाउँदैछन् । ‘नवरात्रि’ एउटा धार्मिक पर्व हो । यससँग लाखौँ हिन्दूहरुको भावना जोडिएको हुन्छ । हामी सलमानको निन्दा गर्दछौँ । हामी फिल्ममाथि प्रतिबन्धको माग गर्छौँ ।’ उनले आफू ‘हिन्दू ही आगे’ नामको संस्थाको सिटी युनिटको अध्यक्ष भएको बताउँदै सार्वजनिक ठाउँमा सलमान खानलाई पिट्नेलाई २ लाख पुरस्कार दिने घोषणा गरेका छन् ।

नवरात्रिमा आधारित भनिएको यो चलचित्रमा सलमानले आफ्ना ज्वाईँलाई डेब्यू गराउँदैछन् । यसमा वरीना हुसैन मुख्य अभिनेत्रीको रुपमा रहेकी छिन् ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्