बाहुनी गाउँमा उत्पादन भएकाे प्याज खच्चडलाई बाेकाएर सदरमुकाम मार्तडी पुर्‍याइयाे

साउन २५, २०७८ सोमबार १८:३७:५७ | निमेन्द्र शाही

बाजुरा – बाजुराको स्वामी कार्तिक खापर गाउँपालिका वडा नम्बर १ बाहुनीमा उत्पादन भएको प्याज खच्चडलाई बोकाएर सदरमुकाम मार्तडी पुर्‍याइएकाे छ । पहिरोले सडक बन्द भएकाले प्याज बिक्रीका लागि खच्चडलाई बोकाएर मार्तडी बजारसम्म पुर्‍याइएकाे कृषि ज्ञान केन्द्र बाजुराका कृषि प्रसार अधिकृत मीनप्रसाद जैशीले जानकारी दिनुभयो ।

बाहुनीमा पहिलो पटक किसानहरूले प्याज रोपेका हुन् । १२ मेट्रिक टनभन्दा धेरै उत्पादन भएको प्याज कुहिन थालेपछि कृषि ज्ञान केन्द्र र स्वामी कार्तिक खापर गाउँपालिकाले ढुवानी अनुदान दिएर प्याज बजारसम्म पुर्याएका हुन् । कृषि ज्ञान केन्द्र बाजुराले २० र स्वामी कार्तिक खापर गाउँपालिकाले १५ गरी एक केजीमा ३५ रुपैयाँ ढुवानी खर्च दिएका हुन् ।

बाहुनीको १२ हेक्टर क्षेत्रफलमा लगाइएको प्याज १२ मेट्रिक टन उत्पादन भएको थियो । गएको शनिवारदेखि प्याजको ढुवानी सुरु भएको हो । पहिलो पटक १२ क्विन्टल प्याज सदरमुकाम मार्तडी पुर्‍याइएकाे छ । किसानले मार्तडी पुर्‍याएर प्रतिकिलो ५० रुपैयाँका दरले प्याज बेच्न थालेका छन् । पहिरोले मार्तडी–कोल्टी सडक र कर्णाली करिडोर सडक बन्द भएपछि ग्रामीण क्षेत्रमा किसानले उत्पादन गरेका तरकारीलगायतका वस्तु खेर जान थालेका छन् ।

मार्तडी–कोल्टी सडकको धेरै ठाउँमा सामान्य पहिरो र त्यहाँ काम गरिरहेको ठेकेदार कम्पनीले सामान्य बाटो बनाइदिए पनि सामान ढुवानीमा सहज हुने स्थानीयवासीले बताएका छन् ।

अबको एक हप्तापछि स्वामी कार्तिक खापर गाउँपालिका र बुढीनन्दा नगरपालिकामा स्याउ टिप्ने बेला हुन्छ । सडक बन्द रहेकाले स्याउ ढुवानीमा पनि समस्या हुने कृषि प्रसार अधिकृत मीनप्रसाद जैशीले बताउनुभयो । त्यो समयसम्म सडक बनाउने जिम्मा पाएको कम्पनीले मार्तडी–कोल्टी सडक बनाइदिने हो भने खच्चरमै भए पनि स्याउ ढुवानीमा सहज हुने ज्ञान केन्द्रका प्रमुख गोविन्द सिजापतीको भनाइ छ ।

कृषि ज्ञान केन्द्र बाजुराको समन्वयमा प्याज बजारसम्म पुगेपछि किसानले खुसी व्यक्त गरेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाहुनी गाउँमा उत्पादन भएकाे प्याज खच्चडलाई बाेकाएर सदरमुकाम मार्तडी पुर्‍याइयाे

बाहुनीमा फलेको प्याज खच्चडलाई बाेकाएर सदरमुकाम ल्याइँदै । फोटो : निमेन्द्र शाही

तपाईको प्रतिक्रिया