अर्घा–भगवती विमानस्थल : पहिलाे चरणकाे काम सकिएकाे झन्डै एक वर्षपछि दाेस्राे चरणकाे काम सुरु

भदौ ७, २०७८ सोमबार १८:४२:२१ | प्रेमनारायण आचार्य

अर्घाखाँची – अर्घाखाँचीको सन्धिखर्क नगरपालिका १० शिखरबार्नीमा बनिरहेकाे अर्घा भगवती विमानस्थलको दोस्रो चरणको काम सुरु भएको छ । पहिलो चरणको विमानस्थल निर्माणको काम सकिएको झन्डै एक वर्षपछि दोस्रो चरणको निर्माणको काम आज (सोमवार) देखि सुरु भएकाे छ । सन्धिखर्क १० का वडाध्यक्ष लक्ष्मीनारायण चुँदालीसहित वडाका सरोकारवालाको उपस्थितिमा काम सुरु गर्न थालिएको हो ।

दोस्रो चरणको निर्माण कार्यका लागि प्रदीप प्रतिभा खनाल ब्रदर्श जेभीले तीन करोड ५६ लाख रुपैयाँमा ठेक्का पाएको छ । जसअन्तर्गत एक लाख ८० हजार घन मिटर माटो कटि‌ङ, एक लाख ७६ हजार घन मिटर माटो बोक्ने, ३९ सय घन मिटर फिलिङ र १८ सय घन मिटर ग्याबिन जालीको काम रहेको निर्माण व्यवसायी कविराम खनालले बताउनुभयो ।

काम गर्नका लागि नागरिक उड्डयन प्राधिकरणसँग एक वर्षको सम्झौता भए पनि तोकिएको मितिभन्दा अघि नै आउँदो माघ १ गतेसम्म काम सम्पन्न गर्ने निर्माण व्यवसायी खनालले जानकारी दिनुभयो । स्थानीयवासी वृद्ध नागरिक देवकीनन्दन भुसालले वैदिक विधिपूर्वक पूजाआजा गरेपछि विमानस्थलको दोस्रो चरणको कामकाे शुभारम्भ गरिएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्