दाङमा सात वर्षपछि हत्याका अाराेपी पक्राउ

भदौ १९, २०७५ मंगलबार १५:४४:५८ | हेमराज शर्मा

दाङ – प्रहरीले दाङमा हत्याको अभियोगमा म‌गलबार सात वर्षपछि एक जनालाई पक्राउ गरेको छ ।

घोराही उपमहानगरपालिका वडा नं–१० दक्षिण अम्राईमा २०६८ साल असार २८ गते धारिलो हतियार प्रहार गरी ३६ वर्षीय टेकबहादुर घर्तीको हत्या गरेको अभियोगमा राप्ती गाउँपालिका १ भालुबाङ घरभएका ३७ वर्षीय किरण भनिने कुमवीर बुढालाई प्रहरीले पक्राउ गरेको हो ।

जिल्ला प्रहरी कार्यालय दाङले मंगलबार घोराहीमा पत्रकार सम्मेलन गरी पक्राउ गरिएकालाई सार्वजनिक गरेको हो ।

हत्या गरिएका घर्ती रुकुम सिस्ने गाउँपालिका ४ घर भई तत्कालीन अवस्थामा दक्षिण अम्राईमा माछा, अल्लो धागोको व्यवसाय गर्दै आएका थिए । त्यसैगरी हत्याको अभियोग लागेका बुढा तत्कालीन अवस्थामा घोराही–१०, दक्षिण अम्राईमा बसोबास गरे पनि अहिल भालुवाङमा बस्दै आएको प्रहरीले जनाएको छ ।

घर्ती र बुढाले संयुक्तरुपमा दक्षिण अम्राईमा माछा र अल्लो धागोको व्यवसाय गर्दै आएकोमा ३ लाख रुपैयाँको हिसाब नमिलेपछि बुढाले घर्तीको हत्या गरेको अनुसन्धानबाट खुल्न आएको दाङका प्रहरी प्रमुख एसपी कृष्णहरी शर्माले जानकारी दिनुभयो ।

प्रहरीमा गोकर्ण गुरुङको नाममा किटानी जाहेरी परे पनि उनी दोषी नभएको भन्दै प्रहरीले थप अनुसन्धान गर्दै गर्दा प्रहरी निरीक्षक धनदेव साउदको कमाण्डमा खटिएको टोलीले बुढालाई बाग्लुङको ढोरपाटन नगरपालिका ९ बाट नियन्त्रणमा लिएकाे हाे ।

बुढाले घटनापछि फरार रही ढोरपाटनमा आलु खेती गर्दै आएका थिए । अभियुक्त बुढालाई जिल्ला प्रहरी कार्यालयको हिरासतमा राखी कर्तव्य ज्यान मुद्धामा म्याद थप गरेर अनुसन्धान सुरु गरिएको एसपी शर्माले जानकारी दिनुभयो ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्