कोरोनाबाट प्रभावित अति विपन्न परिवारलाई १० हजार रुपैयाँका दरले राहत दिन सुरु

काभ्रेका ५ हजार ३ सय ३ परिवारले रकम पाए

कात्तिक २०, २०७८ शनिबार १४:५२:१४ | रासस

काभ्रेपलाञ्चोक – सरकारले कोरोना महामारीबाट प्रभावित काभ्रेपलाञ्चोकका पाँच हजार तीन सय तीन अति विपन्न परिवारलाई राहत वितरण गरेको छ ।

दश हजार रुपैयाँका दरले उनीहरूलाई राहत वितरण गरिएको हो । यहाँका पालिकाहरूले ज्यालादारी मजदुर र विपन्न वर्ग पहिचान गरेर राहत वितरण गरिएको बताएका छन् । विशेषगरी कोरोना भाइरस सङ्क्रमण रोकथाम तथा नियन्त्रणका लागि सरकारले लागू गरेको लकडाउन र निषेधाज्ञाका कारण प्रभावित भएका अति विपन्न, असहाय र ज्यालादारी मजदुर, दैनिक ज्यालादारी गरी जीवन निर्वाह गर्ने विपन्न तथा हातमुख जोर्न समस्या भएका परिवारलाई राहत वितरण गरिएकाे हाे ।

सरकारले प्रतिस्थापन बजेटमा घोषणा गरेअनुसार भर्खरैमात्र त्याे शीर्षकको राहत रकम वितरण कार्यविधि मन्त्रिपरिषदबाट स्वीकृत भइ राजपत्रमा प्रकाशित गरिसकेको छ । त्यहीअनुसार देशभरका झन्डै पाँच लाख अति विपन्न परिवारसँगै काभ्रेपलाञ्चोकका पाँच हजार तीन सय तीन परिवारलाई राहत वितरण गर्न लागिएको बताइएको छ ।

जिल्लाका ६ नगरपालिका र सात गाउँपालिकाको पाँच हजार तीन सय तीन परिवारलाई राहत रकम दिइने गएकाे मङ्गलवार प्रकाशित राजपत्रमा उल्लेख छ । जसअनुसार बनेपा नगरपालिकाका पाँच सय नाै, धुलिखेलका तीन सय ३५, पनौतीका चार सय १७, पाँचखालका चार सय ७१, नमोबुद्धका चार सय ८४ र मण्डनदेउपुरका पाँच सय ८७ तथा चौंरीदेउराली गाउँपालिकाका चार सय ८२, भुम्लुका चार सय सात, तेमालका चार सय २२, बेथानचोकका दुई सय ४०, रोशीका चार सय ५०, महाभारतका दुई सय ८८ र खानीखोलाका दुई सय ११ परिवारलाई राहत वितरण गरिएको छ । सरकारले यसलाई गरिब लक्षित सबैभन्दा महत्त्वपूर्ण कार्यक्रमका रूपमा लिएको छ ।

कार्यविधिअनुसार कोभिड–१९ महामारी रोकथाम तथा नियन्त्रणका लागि लागू गरिएको लकडाउनका कारण पेसा–व्यवसाय वा श्रम गर्ने अवसर गुमाएका तथा आर्थिक रूपमा अति विपन्न नागरिकले विगतमा गर्दै आएको रोजगारी पूर्ण रूपमा गुमाएका र रोजगारीको अर्को अवसर नपाएका बेरोजगार असङ्गठित क्षेत्रका मजदुर वा कामदारलाई यो रकम दिइने भएको हो । साथै खुला सडक, फुटपाथ, नाङ्लो पसल सञ्चालन गर्दै आएका, अति विपन्न व्यवसायी र दैनिक ज्याला–मजदुरी गर्ने भरिया, कृषि मजदुर, गोठाला, ज्यालादारी श्रमिक, रिक्सा चालक, ठेलागाडा मजदुर, सार्वजनिक यातायातका मजदुर र पर्यटक भरियालेसमेत राहत रकम पाउने कार्यविधिमा उल्लेख छ ।

कार्यविधिमा कोभिड–१९ का कारण एकाघरको परिवारको आयआर्जन गर्ने मुख्य सदस्यको मृत्यु भइ आर्थिक सङ्कट झेल्नुपरेको परिवार वा अभिभावक गुमाएका असहाय नाबालकलाई स्याहार गर्ने परिवारलेसमेत याे रकम पाउने उल्लेख छ । तर, नेपाल सरकारले दिने सामाजिक सुरक्षा भत्ता (ज्येष्ठ नागरिक, एकल महिला, दलित वा अपाङ्ग वा नेपाल सरकार र विदेशी सरकारको निवृत्तिभरण) पाउने परिवारले यो रकम दाबी गर्न पाउने छैन । याे राहत रकम प्राप्त गर्नका लागि सार्वजनिक सूचना जारी गरिएको १५ दिनभित्र स्थानीय वडा कार्यलयमा आवश्यक कागजातसहित निवेदन गर्नुपर्ने प्रावधान छ । सहायता रकम वडाबाटै उपलब्ध हुने पनि जनाइएको छ । नगदबापत नेपाल सरकारको न्यूनतम दैनिक ज्यालादारीका आधारमा हुन आउने न्यूनतम कार्य दिन बराबर कुनै सार्वजनिक विकास निर्माणको आयोजना स्वयंसेवकका रूपमा काम गर्ने प्रतिबद्धता जनाउनुपर्नेछ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कोरोनाबाट प्रभावित अति विपन्न परिवारलाई १० हजार रुपैयाँका दरले राहत दिन सुरु

काभ्रेका ५ हजार ३ सय ३ परिवारले रकम पाए

प्रतिकात्मक तस्बिर

तपाईको प्रतिक्रिया