जीप र माेटरसाइकलसँग तर्सिएर भाग्दा ११ भेडा–बाख्रा मरे

मंसिर १४, २०७८ मंगलबार १७:५०:५० | रासस

मनाङ – सवारी साधनसँग तर्सिएर भाग्दा मनाङमा ११ भेडा–बाख्रा मरेका छन् ।

हिमाली क्षेत्रमा चिसो बढेसँगै भेडी गोठबाट बेसी झर्ने क्रममा नासों गाउँपालिका–३ खोत्रोमा सवारी साधनसँग तर्सिएर भाग्दा भिरबाट मर्स्याङ्दी नदीमा खसेर भेडा–बाख्रा मरेका हुन् ।

सदरमुकाम चामे गाउँपालिका–१ र २ का नरेन्द्र घले, नन्दबहादुर गुरुङ र नलबहादुर गुरुङलगायतले सञ्चालन गरेको सिद्धार्थ भेडा फार्मका नौ भेडा र दुई बाख्रा मरेका छन् । भेडीगोठबाट बेसी झर्ने क्रममा गएकाे मङ्गलवार खोत्रो आइपुगेको र चामेतर्फबाट आएको जीप र विपरीत दिशातर्फ जाँदै गरेको मोटरसाइकलको बीचमा परेपछि तर्सिएर भाग्दा ३१ भेडा–बाख्रा भिरबाट खसेको भेटेरिनरी अस्पताल तथा पशुसेवा विज्ञ केन्द्र मनाङका प्रमुख नारायण कुसुमले जानकारी दिनुभयो ।

प्रमुख कुसुमका अनुसार भिरबाट ३१ भेडा–बाख्रा खसेकोमा दुई वटा बाख्रा र नौ वटा भेडा घटनास्थलमै मरेका छन् । सडक छेउमै रहेको भिरबाट खस्दा भेडा–बाख्रा मरेकाे उहाँले बताउनुभयो । खबर प्राप्त भएसँगै कार्यालय प्रमुख कुसुमसहित भेटेरिनरी अस्पताल तथा पशु सेवा विज्ञ केन्द्रका टोली घटनास्थल पुगेर अनुगमनसमेत गरेका थिए । स्थलगत अनुगमनका क्रममा घटना सत्य भएको र बाँकी घाइते भेडा बाख्राको उपचारसमेत गरिएको कार्यालय प्रमुख कुसुमले बताउनुभयो ।

मरेका भेडाको क्षतिपूर्तिका लागि आवश्यक प्रक्रिया अगाडि बढाइएको उहाँले बताउनुभयो । आकस्मिक रूपमा पशुपालक किसानलाई क्षति पुगेकाले क्षतिपूर्ति दिने र किसानलाई व्यवसाय पुनर्स्थापना कार्यक्रमबाट सम्बोधन हुने गरी आवश्यक प्रक्रिया अगाडि बढाइएको उहाँको भनाइ छ ।

व्यावसायिक भेडा–बाख्रा पालन हुँदै आएको सिद्धार्थ भेडा फार्ममा अहिले पाँच सय भेडा–बाख्रा छन् । गर्मी मौसममा समुद्री सतहबाट तीन हजार मिटरमाथि उचाइमा पुग्ने मनाङका भेडी गोठ चिसो बढेसँगै बेसी झार्ने गरिन्छ । किसानले भेडी गोठबाट भेडा–बाख्रालाई लमजुङको खुदी, भुलभुलेसम्म झर्ने गर्दछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्