म्याग्दीमा गण्डकी प्रदेश सरकारको अनुदानमा खुलेका होमस्टे बन्द हुने अवस्थामा

पुष ६, २०७८ मंगलबार ८:२०:१९ | रासस

म्याग्दी - गण्डकी प्रदेश सरकारको अनुदानमा तीन वर्षअघि म्याग्दीमा खोलिएका होमस्टे अर्थात घरबास बन्द हुने अवस्थामा पुगेका छन् ।

प्रदेश सरकारको तत्कालीन उद्योग, पर्यटन, वन तथा वातावरण मन्त्रालयले आर्थिक वर्ष २०७५/७६ मा म्याग्दीका १० वटा होमस्टेलाई ९३ लाख चार हजार ८ सय रुपैयाँ अनुदान बाँडेको थियो । होमस्टेका लागि भनेर बनाइएका सामुदायिक भवन, गोलघर, शौचालय, शयनकक्ष र बेड विस्तारा व्यक्तिगत सम्पत्तिमा परिणत भएका छन् ।

रघुगङ्गा गाउँपालिकाको झिँ होमस्टेले नौ लाख ३९ हजार, एकता होमस्टे मौवाफाँटले नौ लाख ६० हजार, मिलन होमस्टे रायखोरले नौ लाख ७३ हजार र रानीपौवा होमस्टेले नौ लाख ७० हजार रुपैयाँ अनुदान लगेका थिए। त्यस्तै ताकमको हजुरको होमस्टेले सात लाख १३ हजार, देवीस्थानको गाईखर्क होमस्टेले नौ लाख ७२ हजार, बरङ्जाको झाँक्रीपानी होमस्टेले आठ लाख ९२ हजार, टोड्के होमस्टेले नौ लाख ९० हजार, नारच्याङ बेँसीगाउँ होमस्टेले नौ लाख ४२ हजार र मुना होमस्टेले नौ लाख ५२ हजार रुपैयाँ अनुदान पाएका थिए ।

धवलागिरि गाउँपालिका–७ ताकमको हजुरको सामुदायिक होमस्टेका सञ्चालक कृष्णबहादुर भण्डारीले आधारभूत पूर्वाधार बनाए पनि होमस्टे सञ्चालनका लागि व्यवस्थापकीय तयारी आवश्यक देखिएको बताउनुभयो। प्रदेश सरकारअन्तर्गतको पर्यटन कार्यालय पोखराले यसअघि अनुदान पाएका होमस्टेलाई स्तरोन्नतिका लागि अनुदान उपलब्ध गराउन प्रस्ताव मागेकोमा म्याग्दीका तीन वटा होमस्टेकाे मात्र प्रस्ताव परेको छ ।

आवेदन सङ्कलन गरेको घरेलु तथा साना उद्योग कार्यालय म्याग्दीका प्रमुख नन्दलाल पौडेलले झिँ, झाँक्रीपानी र हजुरको सामुदायिक होमस्टेले स्तरोन्नति कार्यक्रम माग गरेका बताउनुभयो।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

म्याग्दीमा गण्डकी प्रदेश सरकारको अनुदानमा खुलेका होमस्टे बन्द हुने अवस्थामा

फाइल तस्बिर

तपाईको प्रतिक्रिया